Friday, August 23, 2013
गजल १४९
बल्दो छ पवित्र अग्नि पलपल्, हाम्रो प्रेमको;
गर्दै छ पापी दुनिया छलफल्, हाम्रो प्रेमको ।
(१)
सकेनौ बनाउन ताजमहल, हाम्रो नाममा;
तर छैन अस्तित्व ढलपल् , हाम्रो प्रेमको ।
(२)
न आयो बाढी न सुक्यो, खडेरीमा कहिल्यै ;
निरन्तर छ मृदु कलकल् , हाम्रो प्रेमको ।
(३)
बदलिन्छ मौसम समयसंगै, प्रकृतिमा पनि ;
तर स्वभाव छ सधै अटल , हाम्रो प्रेमको ।
(४)
चर्चा छ बेअर्थ समाजको, जिब्रोमा हजुर !
पवित्र सम्बन्ध छ अचल, हाम्रो प्रेमको ।
(५)
प्रयत्न बाधा-ब्यवधानको, हुने छ बिफल्;
नाता छ युगौ-युगको निश्चल्, हाम्रो प्रेमको ।
रचना: यज्ञ प्रसाद गिरी
रामपुर, चितवन
फागुन २५ गते, २०६९ साल
Subscribe to:
Post Comments (Atom)
No comments:
Post a Comment