गजल
एउटै पारा नेताजीको आ-आफ्नै बखान गरे ;
एक कदम अघी बढ्दै , कसैले ऊखान गरे ।
(१)
दैशलाई पेवा ठान्ने, यी मत्का ब्यापारीहरु ;
देशको लिलामी त, यिनले जानाजान गरे ।
(२)
पुरै देश निचोरेर सुन्तला र कागतीझै;
यिनै देशद्रोहीले, सधै रसपान गरे ।
(३)
घुसखोरीको सन्जाललाई राजनितिको नाम दिए ;
कामहरु जति गरे सबै , बेईमान गरे ।
(४)
बोल्न लाज मान्नु पर्ने, लाजै छैन बोल्नलाई,
बिबादमा आउनु त यिनकालागी शान अरे ।
रचना: यज्ञ प्रसाद गिरी
आनन्दबस्ती , ललितपुर
भाद्र ११ गते, २०७३ साल