गजल १०९ धुर्तहरुको धुर्तहरुसंगै, चिनजान हुन्छ ; सबै धोक्नेहरुको भट्टीमै, जलपान हुन्छ । (१) दल जुन भए’नी, नाराका ब्यापारी सबै; कमिसनखोरहरुको, यस्तै पहिचान हुन्छ । (२) झोलामा खोलासम्म बोक्न पछी पर्दैनन्; कसैको झोलामा त निगमको, विमान हुन्छ। (३) संविधानको नाममा ,जति माला जपे पनि ; आँखिरमा यिन्को, सत्तामै तानातान हुन्छ । (४) बुझ्नै नसक्ने सवाल खडा भएको छ हजुर; किन यो समाजमा भष्ट्रहरुकै सम्मान हुन्छ । (५) दिक्क लाग्छ आजभोलि त टीभी हेर्दा पनि ; नालायकहरुकै खबरमा साँझ र बिहान हुन्छ । यज्ञ प्रसाद गिरी आनन्दबस्ती, ललितपुर