Thursday, August 22, 2013
गजल ७४
कुरा हाम्रो भएकै छ , फेसबुकमै भए पनि ;
बोली तिम्रो सुनेकै छु , जति टाढा गए पनि ।
(१)
दोषी छैन दैव पनि ,किन ब्यर्थै सराप्नु र ?
भेट हाम्रो भएकै छ , कहिले काँही भए पनि ।
(२)
धैर्यता त चाहिन्छ नै , सोचे जस्तो कहाँ हुन्छ ?
जसो-तसो बाँच्नै पर्छ, सधै सम्झी रहे पनि ।
(३)
भाग्यमानी हुने गर्छन, केही मान्छे, मात्र यहाँ;
संसारमा दुखी धेरै , जहाँ सुकै रहे पनि ।
(४)
राख्नु ज्यादै जरुरी छ , सोच आफ्नो फराकिलो ;
मनले नजिक भयी बाँचौ, टाढा-टाढा भए पनि ।
(५)
योजना त भविष्यको , बनाउनु अवश्य नै ;
समय यो अनुकुल या, प्रतिकुल नै भए पनि ।
रचना: यज्ञ प्रसाद गिरी
आनन्दबस्ती, ललितपुर
Subscribe to:
Post Comments (Atom)
No comments:
Post a Comment