गजल १३८ दिलैदेखि देशलाई, माया गर्ने स्वाभिमानी ; लगनशिल परिश्रमी, धन्य तिमी भियतनामी ; (१) माया आफ्नै धरतिको, छातीभरी सगाँलेर ; बैरीको उछित्तो पार्यौ, धन्य तिमी भियतनामी । (२) आफ्नै ज्ञान आफ्नै सिप, लाई कत्ती नहेपेर; महत्ता बुझाई छाड्यौ, धन्य तिमी भियतनामी । (३) प्रकृतिको उपासना, जिन्दगीमा उतारेर ; माटोलाई शिरोधार्य गर्ने, तिमी भियतनामी । (४) बर्षौ लड्यौ नथाकेर, बिरुद्धमा अन्यायको ; रत्तभर’नि नहटेर, धन्य तिमी भियतनामी । (५) सलाम तिम्रो लगन र तिम्रो राष्ट्र प्रेमलाई; समानताका पक्षपाती , धन्य तिमी भियतनामी । रचना: यज्ञ प्रसाद गिरी हो चिन मिन्ह सिटी, भियतनाम ३ फेब्रुवरी, २०१३