Wednesday, August 21, 2013
गजल १३५
तिम्रो माया सुन भए, चाँदी होला मेरो पनि;
सिन्धु भए तिम्रो माया, सानो खोला मेरो पनि।
(१)
सत्य-सत्य सुर्यलाई, देखाउँदिन बत्ति म त ;
भकारीझै तिम्रो माया, सानो झोला मेरो पनि ।
(२)
मन मेरो ढुग्ङा जस्तो, कसैलाई लागे पनि;
बिछोडिदा तिमीबाट, मन रोला मेरो पनि ।
(३)
हुन सक्छ तिम्रो माया, सागर जस्तो फराकिलो;
परख गर्छु पिरतीको, मानव चोला मेरो पनि ।
(४)
सम्झिएर रुनु पर्ला , जिन्दगीको ओरालोमा;
तिमीलाई पर्ला खाँचो, कुनै बेला मेरो पनि।
(५)
कहाँ मिल्छ सबैलाई, माया मिठो चाहे जति;
कुनै बेला पर्न सक्छ, भाग्मा हेंला मेरो पनि ।
रचना : यज्ञ प्रसाद गिरि
आनन्दबस्ती, ललितपुर
Subscribe to:
Post Comments (Atom)
No comments:
Post a Comment