गजल-९ परें कि जालमा तिम्रो , कि लायौ मोहनी कतै ; तिमि नै तिमि सर्वत्र , यता -उता जता-ततै । (१) मात लाग्छ हेराईमा, बोली र हांसोमा पनि ; लाग्छ तिमि मुटु भित्र, बस्ने गर्छ्यौ यता-कतै । (२) ज्यादै प्यारो बनी दिन्छ, दुखाई चोटको पनि ; चस्खि राख्छ घाउ हेर, छातीभित्र यता-कतै । (३) होस मेरो हरायो कि, तिम्रो मोहनी मन्त्रले ; खोज्दै हिड्छु मुटु मेरो, हराएको जता-ततै । (४) सुम्पी दिन्छु मुटु मेरो, तिम्रै तिलस्मी हातमा , बिचार पाप लाग्ला है ! मिल्काए पथमा कतै । (५) भयो बेकार यो मान्छे, भनि हेंला नगर्दिनु ; चाहिने छ यही मान्छे , तिम्लाई कहिले –कतै ।