गजल: १५३
हेरौं क- कस्ले के गर्छ, चुनावी मैदानमा;
अब को उत्तानो पर्छ, चुनावी मैदानमा।
(१)
मौका यही हो, कमिसन चाट्नेहरुलाई;
धुलो चटाउनु पर्छ, चुनावी मैदानमा ।
(२)
हेरौ न निकृष्टहरुको बथानमा अझै पनि;
को कतिसम्म तल झर्छ, चुनावी मैदानमा।
(३)
सुनामीझै नायकको खोजी गर्दै छ जनता ;
को कति पछाडी सर्छ, चुनावी मैदानमा।
(४)
तालिमे बाँदर हुन यी सबै, बिदेशी चटकेका;
कस्के कस्तो भुमिका गर्छ, चुनावी मैदानमा।
(५)
को उदाउँछ ज्वाला बनी, नेपाली आकाशमा;
को आफ्नै कर्मले मर्छ, चुनावी मैदानमा।
रचना : यज्ञ प्रसाद गिरि
आनन्दबस्ती, ललितपुर
जेठ २०, २०७० साल
No comments:
Post a Comment