गजल -१७
तिमीमा छ केही बेग्लै, जुन हुदैन पराईमा ;
नजाँनिदो माया देख्छु, तिम्रो आँखा तराईमा ।
(१)
भित्र राखी कुरा बेग्लै, झर्के जस्तो गरे पनि ;
कुरा केहि लुकेकै छ, तिम्रो अघि सराईमा ।
(२)
घुर्क्याउदा पनि देख्छु, आँखामा प्रेम भावना;
चाहनाको अंश भेट्छु, तिम्रो छट्के हेराईमा ।
(३)
मेरोलागी तिमी मात्रै, यत्रो विशाल सृष्टिमा ;
फरक केही पर्छ-पर्छ, आफन्त र पराईमा ।
(४)
यस्तो लाग्छ पहिलेकै, मेरो नाता तिमिसंग ;
अनौठो जादुको खेल , हाम्रो मन पराईमा ।
No comments:
Post a Comment