गजल -१५
नारा सदैव भन्ने, हौ हामी भाई-भाई;
बाठो लुटी रहेछ, कमजोरको कमाई ।
(१)
तातो मरुभुमीमा, बन्दै छ कोही नौकर;
नेताहरु डकार्छन ,हरामको कमाई ।
(२)
लडी रहेछ जनता; थापेर ज्यान बाजी ;
नेता यहाँका गर्छन्, लुटपाटको लडाँई ।
(३)
डाँका यी चोर, गुण्डा या भन्नु ब्यविचारी;
अपराधि, देशद्रोही, यिनकै भयो रजाँई ।
(४)
लाजै नमानी बोल्छन्,गतिछाडा यी भाषणे;
जिब्रो थुतु झै लाग्छ , सबैको सामु आई ।
रचना : यज्ञ प्रसाद गिरी
आनन्दबस्ती, ललितपुर
No comments:
Post a Comment