गजल -९४ सधै साथ निभाउछु, भन्थेऊ बैगुनीले, बचन के को पुरा गर्ने? निर्दयी खुनीले। (१) झलमल्ल संसार थियो, तिमि हुँदा मेरो; पासा मेरो पल्टाई दियो, दुष्ट सकुनीले । (२) कहाँ गयौ, कता गयौ, छैन खबर केही ; पैले स्वर्ग पाउदो रै’छ भाग्यमा हुनेले । (३) संसार हेर डुबी सक्यो, तिमीसंगै मेरो ; किन ज्युदो बाँकी राख्यो, दैव नहुनेले । (४) मरेपछि बस्न पाउ, तिमीसंगै फेरी ; दोस्रो पटक झुटो बाचा, नगर्नु खुनीले । (५) हाम्रो नाता युगौ-युगको, भन्ने गरे पनि; बिर्सेउ नाता स्वर्ग पाउदा, आज बैगुनीले ।