Tuesday, March 26, 2019
गजल
उत्तेजना हराउँछ, सबै कुरा बुझेपछी ;
कोहि किन कराउछ ? सबै कुरा बुझेपछी ।
(१)
हिजो जे जे गरे पनि, आज उस्को बेगलै भाछ ;
आफैसङग डराउछ, सबै कुरा बुझे पछी ।
(२)
माटोभित्र बिलाउँदा, सारै सुन्दर देह पनि ;
लोभ मोह हराउँछ, सबै कुरा बुझै पछी ।
(३)
सतही छ रुप यौवन, ओईलाउने निमेषमै;
मनलई मन पराउछ, सबै कुरा बुझेपछी ।
(४)
हिजोसम्म नाश्तिक भै बाँच्ने मानिसहरु पनि;
कृश्ण कृश्ण कराउछ, सबै कुरा बुझे पछी ।
यज्ञ प्रसाद गिरि
आनन्द बस्ती , ललितपुर
Thursday, March 21, 2019
कसैको बिदाई र स्वागत, मलाई के काम;
निश्प्राण सँसारी दौलत, मलाई के काम।
(१)
तिमि छेनौ दुनिया उज्यालो छैन मेरो ;
सुनौलो मौसम र फुर्सत, मलाई के काम ।
(२)
आफैलाई ढाटेर बाच्ने कोशिश गरिन मैले ;
मृत्युमा मनाईने उत्सव, मलाई के काम ।
(३)
मुल प्रवाहबाट छुट्टीएर ,बाँच्नुको विकल्प पनि होलान
मधुमेहको रोगि म गुलियो सर्बत, मलाई के काम ।
(४)
चाहन्थे म सिङो जिन्दगी बाँच्न परिपुर्ण प्रेमले ;
सिमित तोकिएको प्रेमको प्रतिशत मलाई के काम ।
Monday, March 4, 2019
गजल
तिमी र तिम्रो सुन्दर वदन सम्झै ;
पवित्र उज्यालो तिम्रो मन सम्झै ।
(१)
जहिले-जहिले सुन्दर विगत सम्झै ;
चाँदनी रातको स्निग्ध गगन सम्झै ।
(२)
पवित्र सोचले बाँच्ने आदर्श तिम्रो ;
जब-जब सम्झै झन-झन सम्झै ।
(३)
प्रश्न जब उठ्यो हाम्रो सम्बन्धको ;
मेरो मुटुभित्रको स्पन्दन सम्झै ।
(४)
किन उदाश रहन्छ मन भनी खोज्दा ;
मुटुभित्रको कसाव गहन सम्झै ।
आनन्दबस्ती , ललितपुर
२०७५-११-२३
गजल
आडम्बरी यो दुनिया , मलाई चाहिदैन;
शान्त्वना र ओठे - माया, मलाई चाहिदैन ।
(1)
सम्पतिको सुखशयल , बङला र गाडी ;
दुई दिनको घाम छाया , मलाई चाहिदैन ।
(2)
अवसरबादी हुने गर्छन चिप्लो घस्ने प्राय ;
स्तुतिका हरप नया , मलाई चाहिदैन ।
(3)
भित्रैदेखी उर्लिएको चाहनाको साटो ;
भिख जस्तो तुच्छ दया , मलाई चाहिदैन ।
(4)
मनमा के छ साँचो कुरा , प्रस्टै भनि दिनु ;
अघि पछि दायाँ बायाँ, मलाई चाहिदैन ।
रचना: यज्ञ प्रसाद गिरी
आननदबस्ती , ललितपुर
मन्सिर : 14 गते 2075 साल
गजल
सधैं लथालिङे भयो ताल जिम्दगीको ;
यस्तै भयो साथीहरु, हाल जिन्दगीको ।
(1)
सधैं सधैं खेर गयो , मेहनतको धन ;
खुट्याउनै गाह्रो पर्यो प्वाल,जीन्दगीको ।
(2)
मन थियो हेरी राखौ, बैभव प्रकृतिको ;
विधाताले राखनै बिर्स्यो झ्याल जिन्दगीको ।
(3)
बोक्रा मात्र भोगिएछ, बाँच्ने सिलसिलामा ;
कुन्नि कहाँ हराएछ , माल जिन्दगीको ।
(4)
आवरणमा देखेको छु , समाज सेवीहरु ;
सधैं भोका काढी राख्ने , र्याल जिन्दगीको ।
रचना: यज्ञ प्रसाद गिरी
पुस 17 गते 2075 साल
आनन्दबस्ती , ललितपुर
गजल
राम्रो हुन्थ्यो चिनाजानी, नभएको भए ;
तिम्रो मेरो कुराकानी, नभएको भए ।
(१)
पैलो भेटमै आफनो जस्तो लागी मनैदेखि ;
राम्रो हुन्थ्यो पानी-पानी, नभएको भए ।
(२)
समयले टाढा -टाढा बनाएकै थियो ;
फेरी भेट जाना-जानी, नभएको भए ।
(३)
सबै मान्छे एकै ठानी ब्यवहार गर्ने ;
राम्रो हुन्थ्यो सरल बानी, नभएको भए ।
(४)
जिवन मरुभुमी तुल्य, हुदैन्थ्यो होला ;
कालान्तरले अर्कै सानी, नभएको भए ।
आनन्दबस्ती,ललितपुर
२०७५-१२- २
गजल
मधुर वचन तर मन शीला रहेछ ;
मन, बचन बिच फासिला रहेछ ।
(१)
भत्काउने बालुवाको महलझै सम्बन्ध;
था,छैन कसको यो फैसला रहेछ ।
(२)
फुटायौ प्रेमको मुर्ती आफैले कुँदेको ;
मन निर्दयी र बहुमन्जिला रहेछ ।
(३)
सिकिदै छ जिउने क्रममा धैरै हजुर ;
सम्बन्ध त चाहनाको काफीला रहेछ ।
(४)
भन्नु केही छैन दुनियाको रितै यस्तै ;
जिवन त जिउनुको सिलसिला रहेछ ।
आनन्द बस्ति , ललितपुर
२०७५-१२-१०
Subscribe to:
Posts (Atom)