गजल११५ कोही रुपको कोही शानको, बिज्ञापन गर्छन; शरिरको, कोही मुस्कानको, मापन गर्छन ; (१) जवानी सबैको आउछ जीवनमा, एकै पटक; मालीकै अगाडी उद्धानको ,बखान गर्छन । (२) प्राकृतिक छ फैलिन्छ, महक आकर्षणको; सल्किन्छन् भुसझै कोही र कोही, दन-दन गर्छन। (३) जे-जे माने’नी भोगिन्छ जिवन त, एकै पटक ; हाँसेर जिउने कोही र कोही, गनगन गर्छन। (४) सुवास त सुवास हो मिठो लाग्छ, सबैलाई; कोही मातले मातेर भमराझै, भनभन गर्छन । (५) भनिन्छ युद्ध र प्रेममा नाजायज, हुदैन केहि ; भन्दै कोही हतारमा जिन्दगी, अर्पन गर्छन । रचना: यज्ञ प्रसाद गिरी आनन्दबस्ती, ललितपुर