गजल१२० मेरो मन्का कुरा सुन्ने, तिम्लाई फुर्सद कहाँ छ र ? भावनाको जाल बुन्ने, तिम्लाई फुर्सद कहाँ छ र ? (१) भेट्यौ,हास्यौ बिर्सी दियौ, सम्झनु नै किन पर्योर ; अतितका कुरा गुन्ने, तिम्लाई फुर्सद कहाँ छर ? (२) भमरा झै खोजी हिड्छौ , राम्रा-राम्रा फूलहरु ; समर्पणको भाव चुन्ने, तिम्लाई फुर्सद कहाँ छ र? (३) भाग्यमानी बनेका छौ, जिन्दगीको सिलसिलामा; बेदनाको कथा सुन्ने तिम्लाई फुर्सद कहाँ छ र ? (४) सफलताको चाहनामा, दाँया-बाँया नदेखिंदा ; कसैको चाहना चिन्ने, तिम्लाई पुर्सद कहाँ छ र? (५) बाटोभरी जिन्दगीको, फुलै-फूल बर्षी दिदा ; च्यातिएको मुटु तुन्ने, तिम्लाई फुर्सद कहाँ छ र? यज्ञ प्रसाद गिरी आनन्दबस्ती, ललितपुर