गजल -९२ माया के हो परिभाषा, फुर्नै सक्या छैन; चित्त बुझ्ने अर्थ पनि, जुर्नै सक्या छैन । (१) मेल बिनै बाँच्छन् , हिजो प्रेम गर्ने जोडी, आफ्नै बिचको दुरी पनि पुर्नै सक्या छैन । (२) युगौ-युग साथ दिन्छौ, भनी हिड्नेहरु, दोस्रो बिहे गरी हिड्छन, कुर्नै सक्या छैन । (३) लोभ हो कि लालसा या चाहना हो माया; लाशको'नी लाग्ने माया, मर्नै सक्या छैन । (४) धोका पाई गिन्दगीमा, हुदा धुजै-धुजा ; उसैलाई जप्ने मन, बुझ्नै सक्या छैन । (५) स्वास्नीलाई हपारेर, भन्छ बुढो मान्छे; अझैसम्म तैले मलाई, बुझ्नै सक्या छैन । रचना : यज्ञ प्रसाद गिरी