गजल -६० यस्तो लाग्यो तिमीलाई ,देख्दा पहिलो भेटमा ; पाएझै खोजेकै बस्तु, मनले पहिलो भेटमा । (१) हाउ भाउ बोलाई र, हेराई र हसाँईमा ; चाहनाको अभिब्यक्ति, लाग्यो पहिलो भेटमा । (२) केही कुरा लुकाएझै, मनको भित्री कुनातिर, ओठ तिम्रा खुलेका’थे , बोल्न पहिलो भेटमा । (३) लजाएर हाँस्न खोज्दा ,खोली दाँतका लहर ; भावनाको चुहावटझै, लाग्यो पहिलो भेटमा । (४) पराईको नजर छल्न , नबुजेझै गरे पनि , झीनो संकेत मायाको, लाग्यो पहिलो भेटमा । (५) अमुल्य बस्तुको लामो ,खोज पुरा भए सरी ; भेटीएको खुसियाली, लाग्यो पहिलो भेटमा । रचना: यज्ञ प्रसाद गिरी आनन्दबस्ती, ललितपुर