Friday, August 23, 2013
गजल११४
के माग्यौ प्रिय देउतासंग,वरदान तिमिले;
बैभव, धन,ऐश्वर्य या त, सन्तान तिमिले।
(१)
सम्झ्यौ कि कतै अनेक थरी, सुखका साधन ;
बिलाशी कार, सरर उड्ने, विमान तिमिले ।
(२)
सुन र चाँदी हिरा र मोती, मढी र माणिक्य;
भर्यौ कि चढी मनको घोडा, उडान तिमिले ।
(३)
यो पनि पाउँ त्यो पनि पाउँ, लाग्यो कि मनमा ;
कोर्यौ कि लामो बस्तुको सुची, बिहान तिमिले।
(४)
जन्मे कि धेरै ह्रदयभित्र , ईच्छा र आकांक्षा;
सोच्यौ कि आफु गएको बन्दै, महान तिमीले ।
(५)
नढाँटि भन सुचीमा तिम्रो म परें, परिन ;
देख्यौ कि प्रेम हुर्केको ठाँउ, चिहान तिमीले ।
रचना: यज्ञ प्रसाद गिरी
आनन्दबस्ती, ललितपुर
Subscribe to:
Post Comments (Atom)
No comments:
Post a Comment