गजल चाहे जति फल्छ डलर, भन्छन् अम्रिकामा ; काला गोरा एउटै कलर, गन्छन् अम्रिकामा । (१) आधा जीवन पाग्ङ्रामाथी, अरु कता-कता ; सधै हतार दौडा-डौड , गर्छन् अम्रिकामा । (२) जैले पनि जहाँपनि, जन्मदेखी मृत्युसम्म; ऋणी पासो थाप्ने चलन, चल्छन् अम्रिकामा । (३) ... थरी-थरी सपना ली, त्यै पाताको बैशाखीमा; त्यस्कै पछी लाग्ने चलन, फल्छन् अम्रिकामा । (४) गतिशिल गृह,बस्ती, गतिशिल माया पनि ; निमेषमै दुर्घटना, हुन्छन् अम्रिकामा । (५) यन्त्र जस्तो दिन-चर्या, विवश भई अगाँलेर; यसैबिच सुखको खोजी, गर्छन अम्रिकामा । यज्ञ प्रसाद गिरी फ्लोरिडा, संयुक्त राज्य अमेरिका