गजल -४२ गोप्य एउटा खामभित्र, तिम्रो पनि नाम देखें ; चाकरीमा चढाएको, तिम्रो पनि दाम देखें । (१) मिठा कुरा गर्नेहरु, छुरा पनि धस्दा रै’छन ; तिम्रै साथीहरु बिच, तिम्रो बदनाम देखें । (२) अब थाहा हुदै गा’छ, नाता तिम्रो कहाँ सम्म ; दुष्टहरु मौजमा छन्, सधै दुखी राम देखें । (३) तिम्रा काम, तिम्रो निति बल्ल अब बुझिदै छ; काम तिम्रो दादागिरी, निति तिम्रो झ्वाम देखें । (४) ठुलो भिड हाँके पछी, जे गर्दा नि हुने भयो ; साच्चै भन्नु पर्दा खेरी, राज् नितिमा जाम देखें । (५) चिनी राख्नु पर्छ यस्ता, नारकिय जीवहरु ; जरै देखि उखेलेर , फाल्नु पर्ने काम देखें । रचना : यज्ञ प्रसाद गिरि आनन्दबस्ती, ललितपुर