गजल १४२ साँचेको छु ताजा गुलाब,प्रणयको चिनो ; तरग्ङित मनको बहाव, प्रणयको चिनो । (१) रहेकी छौ तिमी आज, सयौ-सयौ कोश टाढा; कस्ले बुझ्ने मनको भाव, प्रणयको चिनो । (२) कस्लाई मैले देखाउनु, तरग्ङ यी ह्रदयका; तिमीप्रतिको यो झुकाव, प्रणयको चिनो । (३) लाग्छ एकान्तमा बसी, धेरै- धेरै कुरा गरौ; गरौ मायाको हिसाब, प्रणयको चिनो । (४) ह्रदयको कुनातिर, ठाँउ मेरो छ कि छैन ; भो कि कतै उतार-चढाव, प्रणयको चिनो । (५) कामना छ हाम्रो माया, बाँची रहोस सधैभरी; पठाउदैछु शाब्दिक् गुलाब, प्रणयको चिनो । रचना : यज्ञ प्रसाद गिरि आनन्दबस्ती, ललितपुर