गजल -६३ मेरै आफ्नो जिन्दगीलाई, बुझ्नै सक्या छैन; उत्तर आफ्नै प्रश्नको’नि सुज्नै सक्या छैन। (१) थाहा छैन जिन्दगीको , खासै लक्ष मेरो ; ; के योजना भविष्यको, सोच्नै सक्या छैन। (२) तिम्रो मनको गहिर्या्ई ,बुझिन कि मैले; कहाँ गरें गल्ति मैले , खोज्नै सक्या छैन। (३) घाम-छायाँ जस्तै बन्यो, जिन्दगीको यात्रा; कुन बाटोमा बढु अघि, रोज्नै सक्या छैन। (४) यो जिन्दगी निरस बन्यो, तिम्रो साथ बिना; जिन्दगीमा हरियाली, रोप्नै सक्या छैन। (५) सोच्छु राखुँ केही कुरा, तिम्रो सामु पनि ; भन्नै पर्ने केही कुरा भन्नै सक्या छैन। रचना: यज्ञ प्रसाद गिरी आनन्दबस्ती, ललितपुर