गजल

 ऐजन ऐजनमा चली रहेछ यो  देश, ब्यहोरा अनुरोध छ ;

पानी पँधेरो जस्तो  भयो  बिदेश , ब्यहोरा अनुरोध छ ।

(१)

हाहाकार  छ चारैतिर सँरक्षकनै भक्षक भएका छन  ;

केही रहदैन कि जस्तो छ शेष,  ब्यहोरा अनुरोध छ ।

(२)

एउटै बाटोमा छन लामबध्द सबै दलका  , द्रब्य  पिचासहरु ;

अछुतो छैन स्थानियतह, सँध र प्रदेश, ब्यहोरा अनुरोध छ ।

(३)

लुट्चन   सिधा-साधा जनताहरुलाई,  पाए सरकारलाई पनि ;

यस्तो छ नेता र ठुला बडाको बिजनेस , ब्यहोरा अनुरोध छ ।

(४)

दिक्क लाग्छ ज्यानमारा,लुटेरा र  भस्ट्राचारिलाइ मान्नु पर्दा ;

यस्तो छ आम नेपाली जनताको सन्देश,  ब्यहोरा अनुरोध छ ।

आनन्दबस्ती , ललितपुर

बैशाख ४, २०७६ साल

घोडा त छ सरकारसँग गतिलो लगाम छैन;
भन्नुस त कुन बाटोको दोबाटोमा जाम छैन ।
(१)
नियम र विनियम छन कार्यान्वयन छदै छैन ;
जिम्मेवारी तोकिएको हाकिमकै काम छैन।
(२)
लट्टै लट्टा कपाल भो , भष्ट्राचारको फोहरले ;
सफा गर्ने  अख्तियारी दिएको  हजाम छैन ।
(३)
तै चुप, मै चुप आपसमा मिलाउन सके भने ;
भरपर्दो नेताजीको विश्वासिलो नाम छैन ।
(४)
अन्याय र  अँध्यारोले ढाकेको छ देश सारा ;
अँध्यारोलाई चिर्न सक्ने उदाँउदो घाम छैन ।

मनबाट आ,को कुरा रोक्न मन पर्दैन ;
हुदै न,भाको कुरा , खोक्न मन पर्दैन ।
(१)
दल होस या ब्यक्ति कुनै , बिक्दै गएपछी ;
दुर्गन्धित कुहेको सिनो ,बोक्न मन पर्दैन ।
(२)
अरब- अरब कुम्ल्यर समाज बादी बन्नेले;
हिजोआज पढा,को पाठ, घोक्न मन पर्दैन ।
(३)
सुबिधाको कसौटीमा राखी हेरि सकेपछी;
बारम्बार मानिसलाई जोख्न मन पर्दैन ।
(४)
टाढैबाट नमस्ते छ उखाने र बखानेलाई ;
बिषधारी कृतध्नलाई , पोस्न मन पर्दैन ।

था,छैन कहिले परिणाम आउछ ?
काम भन्दा पहिले उखान आउछ ।
(१)
सुन्नै पाईदैन विशेषज्ञहरुको विवेचना ;
एकाएक लाउकेहरुको उखान आउछ ।
(२)
भाषण र आसनमा अलझेको छ नेतृत्व ;
न मेट्रि आउछ न जलयान आउछ ।
(३)
एक पटक गुमेपछी असम्भव छ फर्किन ;
न ज्यान आउछ न स्वाभिमान आउछ ।
(४)
शैतानहरुको बथानलाई मास्न सक्नु पर्छ ;
फेरि नेपालिको शान र स्वाभीमान आउछ ।

राम सिता रामायण  र हनुमानका कुरा ;

पत्याउदै हामी बाँच्छौ अनमानका कुरा ।

(१)

यस्तो गर्छु, त्यसतो गर्छु भन्ने किन गर्छौ ?

हामिले,नि बुझेका छौ बेईमानका कुरा ।

(२)

निति तिम्रो हात थाप्ने सधै अरु सँग ;

कुन मुख गर्छौ तिमि स्वाभिमानका कुरा?

(३)

सुन्दा सुन्दा अति भयो कान पाकि सके ;

सधै सधै  हावा  गफ  र उखानका कुरा ।

(४)

समस्या नै समस्या छन हाम्रो चारैतिर ;

कहिले काँहि सोच्ने गर निदानका कुरा ।

हात्तिबन , चैत्र २२, २०७५