Wednesday, August 21, 2013
गजल १४६
पल्टाउनु पर्यो धेरै, माया-प्रितिका किताबहरु ;
तिमीले जब खोज्न थाल्यौ, मायाका हिसाबहरु ।
(१)
न कुनै सुत्र, न जोड,गुणा, भाग न घटाऊ ;
फर्स्योट कसरी गरुँ म, मायाको हिसाबहरु ।
(२)
कसरी नाप्नु लिटर, केजी ,पाथी या मुरीमा ;
कुन नापमा मापन गरुँ म, मायाका हिसाबहरु।
(३)
बेहिसाब सधै रहन्छ , यो मुटुमा माया तिम्रो ;
तामिलीमा छन सबै मेरा , मायाका हिसाबहरु ।
(४)
चाहनाको भेलमा भेटिने छ, डुबेको पुरै जिवन् ;
यो डुबानमा खोज्नु प्रिया, मायाका हिसाबहरु ।
(५)
मैलाई था’छैन हजुर, मेरो मायाको सिमाना के ?
था’छैन कसरी गरुँ म , अब मायाका हिसाबहरु।
रचना : यज्ञ प्रसाद गिरि
आनन्दबस्ती, ललितपुर
Subscribe to:
Post Comments (Atom)
No comments:
Post a Comment