गजल
के सोचियो, के भोगियो, जिन्दगीको दौडमा ;
कोही यता, कोहि उता, जिन्दगीको दौडमा ।
(१)
खुसी- खुसि यो मन थियो, थियो उमंग चालमा ;
जुन् बिन्दुमा, भयो मिलन् जिन्दगीको दौडमा ।
(२)
सकिन बुझ्न क्यै पनि, गन्तब्य हाम्रो के थियो ?
को दौडियो, को छोडियो, जिन्दगीको दौडमा ।
(३)
खबर तिम्रो आजभोलि, के कस्तो छ बताउनु;
के-के पायौ के गुमायौ? जिन्दगीको दौडमा ।
(४)
एउटै ब्यथा बिझि राख्ने , गुमाउंदा तिमिलाई,
ब्यर्थ हिसाबको खाता, जिन्दगीको दौडमा ।
रचना: यज्ञ प्रसाद गिरी
आनन्दबस्ती, ललितपुर
No comments:
Post a Comment