Thursday, August 22, 2013
गजल ८१
विडम्बना! बार्तालाप मेरो सधै मिस कल हुन्छ ;
प्रमाण कसरी दिउँ, याद मन्मा पल-पल हुन्छ ।
(१)
न सोच्नु अन्यथा, तिम्लाई बिर्सें दिए कि भनेर ;
जब सम्झन्छु तिमीलाई यो मन खल्बल हुन्छ ।
(२)
भनिन्छ सधै अग्रगमन सोच्नु पर्छ हामीले;
तर मन सधै अतितमै फर्कन चंचल हुन्छ ।
(३)
आजभोली के-के हुन्छ, बुझ्नै सकेको छैन;
अतितको झोपडी नै मेरो लागी महल हुन्छ ।
(४)
नसम्झाउ हाम्रा जिवनका ती स्वर्णिम क्षणहरु;
मडारिन्छ मुटु भित्रैदेखि र आँखा सजल हुन्छ ।
(५)
पाउदा रै’छन चीर सामिप्य भाग्यमानीहरुले ;
मिलन सबैको जीवनमा, कहाँ पो सफल हुन्छ ?
रचना: यज्ञ प्रसाद गिरी
आनन्दबस्ती, ललितपुर
Subscribe to:
Post Comments (Atom)
No comments:
Post a Comment