Wednesday, December 28, 2016
गजल
कोही निश्कपट राम छन, यसै समाजमा ;
कोही निकै बदनाम छन् , यसै समाजमा .
(१)
स्वार्थप्रेरितको दस्ता, भेटिन्छन सबैतिर ;
हजुर ! बोकोहराम छन्, यसै समाजमा .
(२)
चोरी, लुट र ठगी पेशावाल , यी छद्मभेषीहरु ;
छरियका हरेक ठाम छन्, यसै समाजमा .
(३)
पत्याउनै गाह्रो पर्ने छ, गन्हायको देखेर;
कैयन ठुला नाम छन, यसै समाजमा .
(४)
आफैलाई बिकाशका ठेकेदार भनेता पनि;
अग्रगमनका जाम छन् , यसै समाजमा .
यज्ञ प्रसाद गिरी
आनन्दबस्ती, ललितपुर
पुस १३, २०७३ साल
Thursday, December 22, 2016
गजल
तिम्रो मूल्य मेरोलागि, केहो था' छैन;
तर पनि तिमी मलाई, नभै भा,छैन .
(१)
न त तिमी , फूल, जुन न त अप्सरा नै;
मनबाट झल्को तिम्रो जादै गा' छैन .
(२)
हासो हो की बोली या त हेराइको पारा;
कुन चिजमा मोहनी छ पत्तै ला'छैन .
(३
सरलताले परिपूर्ण बेग्लै रुप तिम्रो ;
तिमी बाहेक अरुलाई मनले खा'छैन .
(४)
यता जस्तै मनको हाल उता पनि छ कि
सतोसत्य धरोधर्म सोध्नै पा'छैन .
यज्ञ प्रसाद गिरी
आनन्दबस्ती, ललितपुर
पुस ८, २०७३ साल
Tuesday, December 20, 2016
गजल
बहुमतमा छन, बेईमानहरु;
अल्पमत छन.कुलमानहरु
(१)
समस्यै-समस्या छन चारैतिर;
सधै गायब छन निदानहरु.
(२)
थपिदै छन् राष्ट्रद्रोहका दृष्टान्तहरु ;
लेंडुपका मानसिक सन्तानहरु.
(३)
उखाने र बखाने छन नेतागण ;
लज्जित भए नेपाली शानहरु.
(४)
भन्ने गर्छन उनीहरुनै राष्ट्रबादी;
वास्तवमा यो देशका शैतानहरु.
यज्ञ प्रसाद गिरी
आनन्दबस्ती, ललितपुर
पुस ६, २०७३ साल
Monday, December 19, 2016
Subscribe to:
Posts (Atom)