Thursday, December 25, 2014
गजल
अधिकांश नेपालीहरुको, खाना हो मकै ;
पशु-पंक्षीहरुको पोषिलो, दाना हो मकै ।
(१)
खाध्य सुरक्षाको लागी, नेपालीहरुको;
बलियो आपुर्तिको, सम्भावना हो मकै ;
(२)
हजुर’मा,हजुर्बाको औषधी , छोराको किताब ;
छोरीको गहना र , नानीको नाना हो मकै ।
(३)
मध्यपहाड, बेसी, र तराईका किसानको;
सबैको र सधैको प्रिय, चाहना हो मकै ।
(४)
बुझी वर्णशंकर प्रविधीको, महत्व अघी बढे;
अन्न उत्पादनको ,दिगो खजाना हो मकै ।
रचना: यज्ञ प्रसाद गिरी
हिमालय होटल, ललितपुर
मंसिर २९ गते, २०७१ साल
Sunday, December 21, 2014
गजल
ती तिम्रा नजरले, धायल बनायौ ;
र मादक बोलीले, कायल बनायौ ।
(१)
नसा- नसामा, यो कस्तो नशा ?
नजानिदो पाराले, पागल बनायौ ।
(२)
हास्छ्यौ मुसुक्क, केही’नि न’भाझै;
सम्बन्धलाई बन्द, फायल बनायौ ।
(३)
सुनाउ कस्लाई, यि ब्यथा र कथा;
खोपेर यो दिल, हरपल बनायौ ।
(४)
अति सुस्त आयौ, अचानक हरायौ ;
मेरो मानसिकता, खल्बल बनायौ ।
रचना: यज्ञ प्रसाद गिरी
आनन्दबस्ती, ललितपुर
पुस २ गते, २०७१ साल
Saturday, December 20, 2014
गजल
सुन्दर तिम्रा नयनहरु, आँसुको तालमा थिए ;
सारै हर्षित तिनै आँखा, गएको सालमा थिए ।
(१)
कहाँ चोट पर्यो कुन्नि , कुन् कुनामा ह्रदयको;
सोध्न पनि सकिएन, के कस्तो हालमा थिए ।
(२)
पोखिएका छछल्केर, बेदनाका कथाहरु ;
अधेर्यझै जेलिएका , बाध्यता जालमा थिए ।
(३)
बेदनाका कथाहरु, चक्षुपटमा लेखिएझै ;
सारै मलिनझै लाग्ने, अनौठौ तालमा थिए।
(४)
सामना गर्नु नै पर्ने, जस्तोसुकै परिस्थिति ;
किंकर्तब्य बिमुढझै, दोधारे चालमा थिए।
रचना: यज्ञ प्रसाद गिरी
आनन्दबस्ती, ललितपुर
मंसिर २५ गते, २०७१ साल
Thursday, December 11, 2014
गजल
दिन्कादिनै आक्कासिने, बजार भाउ भा'छ ;
त्यै भाउको झोल झार्ने, उस्को दाऊ भा'छ ।
(१)
जस-जसलाई पठाईयो, बहुमतले हिजो ;
त्यै ब्यक्ति कलै शनि, कैले राहु भा'छ ।
(२)
यो देशमा पद्धतिको, थिति बस्ने कहिले ;
यो राष्ट्रको ढुकुटिले, ब्यक्ति साहु भा'छ ।
(३)
जस्ले जे-जे गरे पनि, दण्ड केही छैन;
देशलाई अस्थिरता, सारै झ्याउ भा'छ ।
(४)
सिधा-साधा मतदाता, पिडित एकातिर ;
कृतध्न र अहंकारी, तिम्रो नाउ भा'छ।
रचना: यज्ञ प्रसाद गिरी
आनन्दबस्ती, ललितपुर
मंसिर २१ गते, २०७१ साल
गजल
लौ भन त ,ब्यापारी हो, सृष्टीको मुल्य के हुन्छ ?
हरियाली प्रकृतिमा , बृष्टीको मुल्य के हुन्छ ।
(१)
पृथ्वी एउटै भए पनि , जिवनको बाटो आफ्नै छ ;
पृथक जिवन् भोगाईमा , दृष्टीको मुल्य के हुन्छ ।
(२)
कैयौ मान्छे भिखारी छन, अरबपति भए पनि ;
सन्तलाई सोध्नु होला, सन्तुष्टीको मुल्य के हुन्छ ।
(३)
जहाँ मन रमेको छ , छेलोखेलो खुसियाली ;
मन्मा काली गढेपछी, कृष्टीको मुल्य के हुन्छ ।
(४)
जिन्दगीमा सुखै-सुख, मात्र प्राप्त हुने भए ;
यो विशाल धरतिमा, सृष्टीको मुल्य के हुन्छ ।
रचना: यज्ञ प्रसाद गिरी
आनन्दबस्ती, ललितपुर
मंसिर २२ गते, २०७१ साल
Wednesday, December 10, 2014
गजल
हिमाच्छादित, स्निग्ध र, स्वच्छतम् माहौल छ ;
लययुक्त, चित्ताकर्षक, समुन्नत भुगोल छ ।
(१)
हेर्दा लाग्ने नशायुक्त, सुन्दरतम् चक्षुहरु ;
मायावी र चुम्बकिय, शक्ति अनमोल छ ।
(२)
कान्तिमय मुहार र कटी लचकदार छ;
मदिराको नशाभित्र, सुगन्धको घोल छ ।
(३)
चम्किला मोतीझै लाग्ने,मुस्काउँदा दन्तावली;
मधुयुक्त मिठासले , भरिपु्र्ण बोल छ ।
(४)
जहाँ-जहाँ कदम तिम्रा, फुलजस्तै बढेका छन्;
त्यहाँ-त्यहाँ चाहनेको भीड, गन्जागोल छ ।
रचना: यज्ञ प्रसाद गिरी
आनन्दबस्ती, ललितपुर
मंसिर २१ गते, २०७१ साल
गजल
त्यै नजरले कुनै बेला, गर्यो स्वागत मलाई;
कुनै बेला सडकछाप, ठान्यो फगत मलाई ।
(१)
नाता ह्रदयको भए , हाल यस्तो किन हुन्थ्यो ;
ननिल्नु र ओकल्नु भो, तिम्रो चाहत मलाई ।
(२)
साख्खिएर कुनै बेला, मिठा, चिप्ला कुरा गर्यौ ;
मौका छोपी जानी-जानी, गर्यौ आहत मलाई ।
(३)
चोटै-चोट सहेको छु, तिम्रो सहयात्री बनी ;
यो निहुँ वा त्यो निहुँमा, छैन राहत मलाई ।
(४)
भेटिएन दयावान , दैव कुनै देवस्थलमा ;
शुन्य, खल्लो लाग्ने गर्छ, तिम्रो जगत मलाई ।
(५)
चन्द्र एउटै, सुर्य एउटै, प्रकृतिको रित एउटै ।
किन देख्छु दुनियाको, उल्टो नियत मलाई ।
रचना: यज्ञ प्रसाद गिरी
आनन्दबस्ती, ललितपुर
मंसिर २४ गते, २०७१ साल
Tuesday, December 9, 2014
गजल
देखेर मुटु धडकियो, था'छैन अनि के भयो ?
माया बनेर गाडियौ , था'छैन अनि के भयो ?
(१)
सपना तथा बिपनामा, तनमनमा र सोचाईमा ;
मादक महक भै फैलियौ , था'छैन अनि के भयो ?
(२)
हरेक क्षण तिमी मात्रै , छायी रह्यौ मसतिष्कमा;
एक छत्र शासन गर्यौ, था'छैन अनि के भयो ?
(३)
हर तवरले म त तिम्रो, आफ्नै बनी सक्या'रैछु ;
तिमी रहस्य नै रह्यौ , था'छैन अनि के भयो ?
(४)
पराजितभै तिम्रो पछी, म लागें मन्त्रमुग्ध भै ;
बजूद मेरो बिलिन भो, था'छैन अनि के भयो ?
रचना: यज्ञ प्रसाद गिरी
आनन्दबस्ती, ललितपुर
मंसिर २२ गते, २०७१ साल
Monday, December 8, 2014
गजल
दोबाटोमा ल्यायी छोड्यौ, बुख्याँचाझै बनाएर;
तिमी हिड्यौ कुबाटोमा, समाजमा गन्हाएर ।
(१)
कहाँ उस्को त्रुटी भयो, तिम्रो चित्त दुख्यो किन ?
भन्न पनि सकिन्छ नि, सिधै औला ठड्याएर ।
(२)
सबै कुरा सुल्टिने छन, आपसमा कुरा गर्दा ;
कतै पनि पुगिदैन , द्वेष - राग बढाएर ।
(३)
जुटी काम गर्नु पर्छ, देश अघि बढाउन ;
केही हुने वाला छैन, मात्र नारा लगाएर ।
(४)
धेरै दल बनाउँदा , बर्ग धेरै बनेका छन ;
कुकर्म नगर नेता , सिग्ङो देश फुटाएर ।
रचना: यज्ञ प्रसाद गिरी
आनन्दबस्ती, ललितपुर
मंसिर २० गते, २०७१ साल
गजल
तिमी छौ म छु र यो घरबार छ ;
दुनियाको त आफ्नै रफ्तार छ ।
(१)
टिप्दै जाउ यात्रामा स-साना खुसी;
जिवन कहिले जित, कहिले हार छ ।
(२)
छैन खुसी, पैसा ,गहना र पोशाकमा;
सुखको मुहान त आपसी प्यार छ ।
(३)
जित्नु छैन कसैलाई, न हार्नु कसैसित ;
किन दुनियामा, ब्यर्थ मारामार छ ।
(४)
जबदेखि समाजमा, बैभवको छुरी चल्यो ;
मानवता बिक्षिप्त, आहत र लाचार छ ।
रचना: यज्ञ प्रसाद गिरी
आनन्दबस्ती, ललितपुर
मंसिर २२ गते, २०७१ साल
गजल
जे'नि हुन्छ अपराधी, निडर भएपछी ;
मानिएका गुण्डाहरु , लिडर भएपछी ।
(१)
गुणस्तर कस्तो होला, पढाईको हजुर !
प्रमाण पत्र चोरी गर्ने, टिचर भएपछी ।
(२)
नक्कली छन नागरिकता, राहदानी पनि ;
राष्ट्रद्रोह सुस्त-सुस्त, गम्भिर भएपछी ।
(३)
अराजकता सबैतिर, डढेलोझै भा'छ ;
शासकहरु बेथितिका, शिर भएपछी ।
(४)
मेल-जोल समझदारी, के खाएर हुन्थ्यो ;
एउटा शेर अर्को , सवाशेर भएपछी ।
रचना: यज्ञ प्रसाद गिरी
आनन्दबस्ती, ललितपुर
मंसिर २२ गते, २०७१ साल
गजल
ब्युझाउँन तिमीलाई, शंख-घण्ट बजाउँदै छु ;
धुप-दीप नैबैध्य र, दुध-धारा गराउँदै छु ।
(१)
मन्दिरमा बस्न पुग्यौ, रुष्ट हुदै हामीसंग ;
तिम्रो मन दुखाउदैनौ, बिन्ति पनि चढाउदै छु ।
(२)
भुल चुक भयो होला, दैव क्षमा गरी दिनु ;
तिमीलाई बस्न मिल्ने , मन्मा ठाँउ बनाउँदै छु ।
(३)
पाप कर्म हुन थाले, तिम्रै आँखा सामुन्नेमा ;
भजनरुपी गजल यो, तिम्रो सामु गाँउदै छु ।
(४)
बिष्णु, काली, गणपति, पशुपति जे भने'नि ;
नेपालीको बुद्धी फिरोस, बारम्बार सुनाउदैछु ।
रचना: यज्ञ प्रसाद गिरी
आनन्दबस्ती, ललितपुर
मंसिर २० गते, २०७१ साल
गजल
गर्न अझै बाँकी रह्यो, युद्ध आफैसित ;
नबुझेरै बन्दै हिड्छौं क्रुध्द, आफैसित ।
(१)
सबैतिर अशान्ति छ, शान्ति कतै छैन ;
हुँदा-हुँदै बिर्सि दियौ , बुद्ध आफैसित ।
(२)
किन बित्था अरुलाई, औला ठड्याउँने ,
जाँचौ मन छ कि छैन, शुद्ध आफैसित ।
(३)
बेकार छ दुनियाको, दोष खोजी हिड्नु ;
लुकाएर वासनाको , गिद्ध आफैसित ।
(४)
अभिलाषा जिवनको, धन्य पार्ने भए;
हुर्काउन सक्नु पर्छ , सिद्ध आफै सित ।
रचना: यज्ञ प्रसाद गिरी
आनन्दबस्ती, ललितपुर
मंसिर १८ गते, २०७१ साल
गजल
लुटी आफ्नै सम्पन्नता, कंगाल तुल्याउँछौ ;
जिन्दगीभर भर्मै-भ्रमको, पर्खाल ठड्याउँछौ ।
(१)
समाजलाई चिरा पार्दै, पार्छौ टुक्का-टुक्रा;
स्वार्थयुक्त राजनितिको, सञ्जाल फैलाउँछौ।
(२)
धनि-गरीब, ठुलो-सानो, जाती धर्म भन्दै ;
समाजलाई फुटाएर , बबाल मचाउँछौ ।
(३)
विकाशको मन्त्र जप्दै, विनाशतिर लाग्यौ;
आफैलाई जाक्न आफै , खाडल बनाउँछौ ।
(४)
मनभित्र द्रब्य लिप्सा , वासनाको भारी;
अरु सामु अध्यात्मको बिगुल बजाउँछौ ।
(५)
यो पाराले कहाँ हुन्छ ,उत्थान समाजको ?
आउने पिढिलाई पनि, चण्डाल बनाउँछौ ।
रचना: यज्ञ प्रसाद गिरी
आनन्दबस्ती, ललितपुर
मंसिर १८ गते, २०७१ साल
गजल
खन्दै छु बारी , तरकारी फलाउँनु छ ;
गर्दै छु मेहनत , गरिबी भगाउँनु छ ।
(१)
गर्दै एकिकृत राष्ट्रियता र वैभवलाई ;
हरेक युवामा, स्वाभिमान जगाउँनु छ ।
(२)
चिनौ देशको माटो र, हावा पानीलाई ;
यही माटोमा , सुनै-सुन फलाउनु छ ।
(३)
युरो,डलर , रुपियाँ, फल्छन् यै माटोमा;
लुकेको सम्पदाको उपयोग बुझाउँनु छ ।
(४)
निर्लज्ज अगुवाहरु, भष्ट्राचारमा लिप्त छन्;
यिन्लाई कुकर्मको, सजाय सुनाउँनु छ ।
(५)
लाजै नमानी भाषण गर्छन् , भतुवाहरु ;
मञ्चमै चढी जुत्ताको, माला लगाउनु छ ।
रचना: यज्ञ प्रसाद गिरी
आनन्दबस्ती, ललितपुर
मंसिर १८ गते, २०७१ साल
गजल
हेर्नु पर्दा टोपी खस्ने , महल बनाएछौ ;
स्वेच्छाले कैदी बन्न, पर्खाल ठड्याएछौ ।
(१)
जवानीमै कान तिम्रा, बाक्लिए कि कसो ?
पर्खालमै कर्कस यन्त्र , खल्बल लगाएछौ ।
(२)
कुकुरदेखि सावधान ! लेख्या पनि रै'छौ ;
सत्य बोल्न आफैलाई , सबल बनाएछौ ।
(३)
गुड्ने बाकस राख्या रै'छौ, बोल्ने डब्बा पनि;
रातो-रात छिमेकमा, हलचल मच्चाएछौ ।
(४)
सुन्छु आवत्-जावत् हुन्छ, अप्सराको पनि ;
घर हैन अत्याकर्षक, पसल सजाएछौ ।
रचना: यज्ञ प्रसाद गिरी
आनन्दबस्ती, ललितपुर
मंसिर १८ गते, २०७१ साल
Friday, November 28, 2014
गजल
तिमीलाई दाँज्थें म त , आकाशको जुनसंग ;
तिमी भने साटिएछौ, केही किलो सुनसंग ।
(१)
भन्नलाई मात्र रै’छन, आदर्शका कुराहरु ;
जाँचिदो रहेछ मान्छे उस्मा भा’को गुनसंग ।
(२)
रुप यौवन क्षणिक छ , झरी जाने फूलसरी;
अस्तित्वको लडाई छ , हुरी र मन्सुनसंग ।
(३)
भोगाईले सिकायो कि ,जिउनुको यथार्तता;
मिथ्यामान अझै छ कि, घरानियाँ खुनसंग ।
(४)
सोची सम्झी बढाउनु, कर्तब्यका कदमहरु ;
न्याय गर्न जान्नु पर्छ, स्वदेशको नुनसंग ।
रचना : यज्ञ प्रसाद गिरि
आनन्दबस्ती, ललितपुर
माघ १८, २०७० साल
Monday, November 24, 2014
गजल
उर्वरक र सुन जस्तो बाला झुल्ने खेत ;
खाद्धान्नको भकारी नै बन्ने, सुरखेत ।
(१)
रानिमत्ता, सिध्दापाईला, लादे, गोठीकाँडा ;
बिहानमा झलमल्लै बल्ने , सुरखेत ।
(२)
देउतीबज्यै, काक्रेबिहार, मठ-मन्दिरहरु ;
आध्यात्मको बाटो लियी चल्ने सुरखेत ।
(३)
उत्तरगंगा ,मुलपानी, झुप्रा, चिंगाड्, भेरी ;
सञ्चार गर्दै अमृतको , बग्ने सुरखेत ।
(४)
जन्मिएर हुर्किएको, स्वर्गतुल्य ठाँऊ ;
समष्टीमा सारै प्यारो , लाग्ने सुरखेत ।
यज्ञ प्रसाद गिरी
आनन्दबस्ती, ललितपुर
२०७१ साल, मँसिर ८ गते
Sunday, November 16, 2014
गजल
सपना सजाउछु छरिन्छन, म के गरुँ ;
छलीहरु सदर दरिन्छन , म के गरुँ ।
(१)
राम्रो हुदैन रे, मर्दको आँखामा आँसु ;
गह आँसुले भरिन्छन , म के गरुँ ;
(२)
के गर्नु मानवता र अस्मिताका कुरा ;
काम बिपरितनै गरिन्छन, म के गरुँ ।
(३)
उपदेश दिएर घात गरेका छन, सबैले ;
तिनै नजिक ठहरिन्छन, म के गरुँ ।
(४)
अनौठो चलेको छ, दुनियामा चलन;
सोझैलाई आँखा तरिन्छन, म के गरुँ ।
यज्ञ प्रसाद गिरी
आनन्दबस्ती, ललितपुर
२०७१ साल, मँसिर १ गते
गजल
हिजै मुटु, साटेर गयौ ;
आज बाटो, काटेर गयौ।
(१)
कैफियत के परेछ, कुन्नी ;
दुधझै पलमै, फाटेर गयौ ।
(२)
झुठा-मिठा, बाचा'नि गर्यौ ;
मलाई आखिर, ढाटेर गयौ ।
(३)
तर्क,बितर्क र कुतर्क गर्यौ;
दिमाग मेरो, चाटेर गयौ।
(४)
कति नै फलेको थिए र म ;
तैपनि सक्दो झाँटेर गयौ ।
यज्ञ प्रसाद गिरी
आनन्दबस्ती, ललितपुर
२०७१ साल, मँसिर १ गते
गजल
खुर्की नसक्नु छ, माया ;
बिर्सी नसक्नु छ, माया ।
(१)
गहिरो, सारै छ, गहिरो ;
पसी नसक्नु छ, माया ।
(२)
घाउ त्यही, मल्हम'नि त्यही ;
बुझी नसक्नु छ, माया ।
(३)
घात सहेर'नि, उस्कै पुजा;
पुजी नसक्नु छ , माया।
(४)
बिर्सु भन्दा झनझन् ताजा ;
सम्झी नसक्नु छ, माया ।
यज्ञ प्रसाद गिरी
आनन्दबस्ती, ललितपुर
२०७१ साल, मँसिर १ गते
गजल
काममा जानु छ हजुर! हतारमा छु ;
म मेरो देशमा हैन, म कतारमा छु ।
(१)
मनमा लागेथ्यो, बिमान चढेकै क्षण;
हिड्न विवश म, खुकुरिको धारमा छु।
(२)
म सुन्दर पहाडमा खेली हुर्केको मान्छे;
रेगिस्तानी गर्मीको, हाहाकारमा छु ।
(३)
मन थिएन, आफ्नो गाँऊ छोडी हिड्ने;
बेरोजगारी र गरिबीको मारमा छु ।
(४)
छटपटाउछु सधै, गाँउ-घर सम्झेर;
सधै अधैर्य छु , सधै दोधारमा छु ।
यज्ञ प्रसाद गिरी
आनन्दबस्ती, ललितपुर
२०७१ साल, मँसिर १ गते
गजल
असल भनिनेको, मन कालो छ;
पाईला-पाईलामा, भ्रमको जालो छ ।
(१)
यो जिन्दगी, बुझी नसक्नु रै'छ हजुर;
नरम मखमलमा, भाग्रोको टालो छ .
(२)
कसले बुझ्न सक्यो र ? समयको खेल :
हिजो थियो उसको, आज तिम्रो पालो छ ।.
(३)
सुखको दौडमा सबै, तर सुखी तिनै छन्;
ज- जसको ह्रदयमा सधैं उज्यालो छ ।
(४)
कहानी उस्तै हुन्छ,, सबैको जिवनको ;
आशा-निराशा, बेदनाको संगालो छ ।
यज्ञ प्रसाद गिरी
आनन्दबस्ती, ललितपुर
२०७१ साल, मँसिर १ गते
गजल
मनभित्र बिझें भने, आँखाबाट झारी दिनु ;
मेरो माया बोझ बनें, मेरो माया मारि दिनु।
(१)
टेका दिनु पर्ने भए, नाता हाम्रो टिकाउन;
दया तिम्रो चाहिदैन, बहानाले टारी दिनु।
(२)
ईशलाई भन्ने गर्छु , तिमीलाई गुमाएर ;
चाहिदैन जित बरु सबै युध्द हारी दिनु ।
(३)
जेगर्न'नि तयार छु, सुखी तिमी हुने भए ;
आफुलाई जोगाएर , मलाई पारी तारी दिनु।
(४)
तिम्रो सबै पिडाहरु, यदि साट्न मिल्ने भए;
मेरो खुसी तिमीलाई मलाई तिम्रो भारी दिनु।
(५)
सधर्षमा बितेको छ , सम्पुर्ण यो जिन्दगानी ;
समस्याका सबै कुरा, मेरो तर्फ सारी दिनु ।
यज्ञ प्रसाद गिरी
आनन्दबस्ती, ललितपुर
२०७१ साल, कार्तिक १८ गते
Monday, November 3, 2014
गजल
म लठ्ठीए, जब मादक बन्यौ तिमी ;
र लुटिए, जब घातक बन्यौ तिमी ।
(१)
नसा-नसामा नशा बनी तिमी पस्यौ;
र स्वतन्त्रताको बाधक बन्यौ तिमी ।
(२)
तिमी बिना म, मुल्यहिन बनी सकें ;
मेरो जिन्दगीको, बाहक बन्यौ तिमी ।
(३)
सुम्पी सकें मेरो जित र हार तिमीलाई ;
गतिहिन बने म, चालक बन्यौ तिमी ।
(४)
चाहना, उपासना, पुजा र प्राप्तीपछी ;
म जस्तै मायाको साधक बन्यौ तिमी ।
यज्ञ प्रसाद गिरी
आनन्दबस्ती, ललितपुर
२०७१ साल, कार्तिक १८ गते
गजल
एउटा मन, तिम्रो पनि छ मेरो पनि ;
नव-यौवन , तिम्रो पनि छ मेरो पनि ;
(१)
बढ्दै गयो, जब हामीबिच आकर्षण ;
भयो कम्पन तिमीमा र ममा पनि ।
(२)
साथी चाहिन्छ, यात्रा लामो छ भने ;
जिन्दगीमा , तिम्रो पनि मेरो पनि ।
(३)
चाहना हरेकको, हुने गर्छ, आ- आफ्नै ;
र त गन्थन , तिम्रो पनि मेरो पनि ।
(४)
एकाकार शरिरले र सोचले बनेपछी ;
भो मिलन तिम्रो पनि र मेरो पनि ।
(५)
सामिप्यले,खुसीको बहार ल्याई दिएपछी;
निलम्बन भो पिडा तिम्रो र मेरो पनि।
(६)
संगै मर्ने, संगै बाँच्ने, चाहना जागेपछी ;
एउटै छ स्पन्दन, तिम्रो पनि मेरो पनि ।
यज्ञ प्रसाद गिरी
आनन्दबस्ती, ललितपुर
२०७१ साल, कार्तिक १८ गते
गजल
थाहा छैन, साथी को बन्छ, जिन्दगीमा;
कहिले कस्ले, मन छुन्छ ,जिन्दगीमा ।
(१)
चाहेझै सुखद कहाँ हुन्छ र ? सफर ;
निमेषमै बन्छ, बिग्रन्छ , जिन्दगीमा ।
(२)
हिसाब-किताब, मायामा'नि लागु भए;
घाटै-घाटाको बज्र, बज्रन्छ जिन्दगीमा ।
(३)
नेताको नाराको, पारामा लाग्यौ भने ;
थाहा छैन के-कस्तो, हुन्छ जिन्दगीमा ।
(४)
त्रसित हुनु किन , भविष्यको त्रासले सधै ;
चाल्दै जाऊ कदम, स्वच्छन्द जिन्दगीमा ।
यज्ञ प्रसाद गिरी
आनन्दबस्ती, ललितपुर
२०७१ साल, कार्तिक १८ गते
<
गजल
दोष कस्को ? समयको, वा शहरको थियो;
सामिप्य तिम्रो, वा आफ्नै नजरको थियो।
(१)
कडा थियो छाती, तथापि कम्पन छुट्यो ;
असर तिम्रो नजरभित्रको, जहरको थियो ।
(२)
बेकाबु आफैमा छु , तर काबुमा तिम्रो भएँ ;
दोष तिम्रो, अरुको वा मेरै रहरको थियो।
(३)
पानी-पानीझै तरल, र हावाझै फिरग्ङी बनें;
खोट दुनियाको, वा आफ्नै ठहरको थियो।
(४)
सारै नजिक रहेर पनि, प्यासी रह्यौ ;
नाता नदी तथा, सुख्खा बगरको थियो ।
यज्ञ प्रसाद गिरी
आनन्दबस्ती, ललितपुर
२०७१ साल, कार्तिक १८ गते
Saturday, November 1, 2014
गजल
काम केही हुन्त्यो होला,त्यो गिदीमा केही भए ;
सरकारको लेनदेन , झोपडीमा केही भए ।
(१)
केका लागी पठाएको, केको लागी तिमी गयौ,
एकपटक सम्झि दिनु, खोपडीमा केही भए ।
(२)
केको भुत्रो राजनिति? म त भन्छु फटाही हो ;
हेरौ तिम्रो काम राम्रो, जिन्दगीमा केही भए ।
(३)
दलको बल लगाएर , अत्याचार गरेका छौ ;
देखिने छ देखाउनु , डकैतीमा केही भए ।
(४)
तिमी जस्ता लुटेरा त, कति आए कति गए;
देखाउनु लुट बाहेक , ढुकुटीमा केही भए ।
(५)
तिम्रो अन्त्य छिटै हुन्छ, अपराधी गनिने छौ ;
हामी सब्लाई देखाउनु , सफाईमा केही भए ।
यज्ञ प्रसाद गिरी
आनन्दबस्ती, ललितपुर
२०७१ साल, कार्तिक १३ गते
गजल
बाहिरी छन जिउनुका, बेग्लै कित्ताहरु ;
तर भित्र जिन्दगीका वास्तविकताहरु;
(१)
हुने गर्छन साहसीको, छातीभित्र पनि ;
बेदना र भावनाका, बिविधताहरु ।
(२)
बाँच्नु पनि किन-किन, अन्योलझै भा'छ;
पढ्दा पनि जति सुकै, बेद -गिताहरु।
(३)
यो राष्ट्रको भविश्य भो, किन अलपत्र ;
जस्कालागी जलाईयो, कैयन चिताहरु ।
(४)
रावणहरु बनाईए, सधै हर्ता-कर्ता ;
सडकतिर मिल्केकाछन राम सिताहरु ।
यज्ञ प्रसाद गिरी
आनन्दबस्ती, ललितपुर
२०७१ साल, कार्तिक १६ गते
Saturday, October 25, 2014
गजल
देशमा भिषण पहिरो र भेल छ अचेल;
भष्ट्रहरुको शासन र चलखेल छ अचेल ।
(१)
कस्लाई वास्ता छ ? राष्ट्र र राष्टि्यताको ;
भागबण्डामा दलहरुको मेल छ अचेल ।
(२)
झण्डावाल गाडीमा ,हिड्ने गर्छन भष्ट्हरु;
निर्धा र निर्दोषलाई मात्र, जेल छ अचेल ।
(३)
स्वदेशी उत्पादनहरु, ओरालो लागेका छन;
आयातित बस्तुहरुकै, ठेलम्ठेल छ अचेल ।
(४)
दलाल र धुर्तहरुनै अगाडी छन, यो देशमा ;
ईमान्दार र परिश्रमी सधै , फेल छ अचेल ।
यज्ञ प्रसाद गिरी
आनन्दबस्ती, ललितपुर
२०७१ साल, कार्तिक ९ गते
Friday, September 26, 2014
गजल
छिनमै बदलिने दुनियाको, रित छ आलभोली ;
यात्रा जारी, यात्रु भने , थकित छ आलभोली ।
(१)
दुई नम्मरीकै जग्जगी छ , शहर र बस्तीहरुमा ;
एक नम्मरको सेरोफेरोनै, बर्जित छ आजभोली ।
(२)
पाखा पारिएका छन, सोझो काम गर्नेहरु बिचरा !
सत्यमाथी असत्यको सधै , जित छ आजभोली ।
(३)
कर्णप्रिय स्वर लहरीहरु, हराउन थालेका छन ;
बम जस्तो समकालिन, संगीत छ आलभोली ।
(४)
यहाँसम्मस पुग्नु पर्यो, नियतिले जिन्दगीमा ।
लिलाममा राखिएको , मेरो प्रित छ आजभोली ।
यज्ञ प्रसाद गिरी
आनन्दबस्ती, ललितपुर
२०७१ साल, आश्विन १० गते
गजल
तिमीलाई सम्झी आँसु, खसाल्या'छू मैले ;
ससम्मान ह्रदयमा , बसाल्याँ'छु मैले ।
(१)
जैले पनि जहाँ पनि, तिम्रै नाम जप्छु;
पुजा गर्ने यस्तै जुक्ति, निकाल्याँ'छु मैले।
(२)
बाधाहरु हजार छन्, हाम्रो बाटो छेक्ने ;
बिद्रोहको रातो झण्डा, उचाल्याँ'छु मैले।
(३)
जे'नि गर्छु, परे मर्छु, तिम्रोलागी म त ;
माया गर्ने यस्तै रित, बसाल्याँ'छु मैले ।
(४)
पवित्रता कायम राखी, प्रेम-पुजा गर्छु ;
मनका राग-द्वेषहरु, पखाल्याँ'छु मैले ।
यज्ञ प्रसाद गिरी
आनन्दबस्ती, ललितपुर
२०७१ साल, भाद्र २३ गते
Thursday, September 25, 2014
गजल
देखिएको माया भन्दा, पाएकोनै राम्रो ;
लेखिएको गीत भन्दा, गाएकोनै राम्रो ।
(१)
तिमी बिना जिन्दगानी, छाईएकै छैन;
कति भिज्नु अब छानो, छाएकोनै राम्रो ।
(२)
लक्षहिन बिना ठहर , भौतारिनु भन्दा ;
खुला भन्दा मन्को बहर , दाएकोनै राम्रो।
(३)
लेखा-जोखा सम्बन्धमा, पनि हुने गर्छ ;
ह्रदयले जिती माया , लाएकोनै राम्रो ।
(४)
टप्प टिपी शिखरमा, राखी माग्नु भन्दा ;
मेहनतले शिखर् चुम्न, पाएकोनै राम्रो ।
यज्ञ प्रसाद गिरी
आनन्दबस्ती, ललितपुर
२०७१ साल, भाद्र २२ गते
गजल
छुट्टिएर तिमीसंग, बाँच्नै गाह्रो भा'छ ;
सुस्त-सुस्त दुखाईको, मात प्यारो भा'छ ;
(१)
भनुँ भने के भनुँ खै, भन्न चाँहदैन ;
आज तिम्रो उपेक्षाले, मन अध्याँरो भा'छ ।
(२)
फूल जस्तो रुप थियो, नौनी जस्तो मन ;
ढुग्ङा जस्तो किन होला, सारै साह्रो भा'छ ।
(३)
हराएछु जिन्दगीको , सुनामीमा परी;
हिजो भन्दा आज खुसी, झन उधारो भा'छ ।
(४)
कहाँ लगी घोप्ट्याउनु, ब्यथित मन मेरो ;
गजल मेरो पीर पोख्ने, ढुग्ङे धारो भा'छ ।
यज्ञ प्रसाद गिरी
आनन्दबस्ती, ललितपुर
२०७१ साल श्रावण, २७ गते
गजल
चिनिएको जोकोही'नि, मेरो साहु भएको छ ;
शधै भरी आकाशिने बजार भाऊँ, भएको छ ।
(१)
पिडा हाम्रो बुझ्ला भनी, जस्लाई छानी पठाए'नि;
कोही शनी, कोही केतु, कोही राहु भएको छ ।
(२)
जे-जे भनुन जे-जे बनुन, सबै बनावटी कुरा ;
के गरेर धनी बन्ने , भित्री दाऊँ भएको छ ।
(३)
स्वास्थय, शिक्षा, सेवाक्षेत्र अनि राजनितिभित्र;
भष्ट्राचार ब्यविचार , सबै ठाँउ भएको छ ।
(४)
जता हेर्यो बेथिति छ , अन्याय छ चारैतिर ;
बिटुलियो समाज यो, कता जाऊँ भएको छ ।
यज्ञ प्रसाद गिरी
आनन्दबस्ती, ललितपुर
२०७१ साल, भाद्र २६ गते
गजल
आज किन सस्तो भयो, तिम्रो मन पर्या मान्छे;
मुल्यहिन बनाईयो, तिम्ले माया गर्या मान्छे ।
(१)
बिरक्त छ, दिशाहिन, बेनामी छ , भिडभित्र ;
पहिचान जोगाउन, सदै अघि सर्या मान्छे।
(२)
सधै साथ दिन्छु भन्थ्यौ, जिन्दगीको यात्रा भरी;
किन आज भागी हिड्यौ,उहिले बाचा गर्या मान्छे।
(३)
वास्तविकता छुरी बनी, ह्रदयमा गढी दिन्छ ;
भन्छन फर्कि आउदैन, दुनियामा मर्या मान्छे।
(४)
सबै चिज बिलाउँछन, समयको बहावमा ;
तर बाँची राख्ने रै'छ मनभित्र गड्या मान्छे ।
यज्ञ प्रसाद गिरी
आनन्दबस्ती, ललितपुर
२०७१ साल, भाद्र २४ गते
गजल
हिजो-आज सम्झी बस्नु, मेरो बानी भएको छ ;
तिम्रो याद माछालाई , अमृत्पानी भएको छ ।
(१)
जिन्दगी यो लक्ष बिना, यात्रा गरे सरी भयो ;
तिम्रो माया यी आखाँका, दुई नानी भएको छ ।
(२)
हुरी जस्तै बनी पस्यौ, जिन्दगीमा तिमी मेरो ;
निस्किएर फुत्त भाग्नु, बेईमानी भएको छ ;
(३)
गर्व गर्दै हिड्ने गर्थैं , तिम्रो साथ पाए भन्दै ;
तर आज स्वाभिमान , पानी-पानी भएको छ ।
(४)
बहाना त धेरै होलान , आफ्नो गल्ति लुकाउने;
जे-जे यहाँ भएको छ, जानी-जानी भएको छ ।
यज्ञ प्रसाद गिरी
आनन्दबस्ती, ललितपुर
२०७१ साल, भाद्र १८ गते
गजल
तिम्रो याद सुसाएको, चैते हुरी सरी भयो;
तिम्रो माया आँखाबाट,आँसु बनी झरी रह्यो ।
(१)
हिड्दा-हिड्दै बाटोबाटै, तिम्लाई गुमाएको दिन;
भुस्को आगो बले सरी, भित्र-भित्रै बलि रह्यो।
(२)
भाग्य पनि किन यस्तो भा'को होला मेरो मात्र;
मिलनको सम्भावना, सधै-सधै टरि रह्यो ।
(३)
मलिन बनी बिदाईको , तिम्ले हाल हल्लाउँदा ;
मुटु घोच्यो चस्स-चस्स मनमा गाँठो परि रह्यो ।
(४)
कुन्नि कता तिमी गयौ मलाई छोडी टाढा-टाढा;
तिम्रो याद किलो बनी, ह्रदयमा गढी रह्यो।
यज्ञ प्रसाद गिरी
आनन्दबस्ती, ललितपुर
२०७१ साल, आश्विन १० गते
<
गजल
अझै'नि उसकै ढलि-मली छ ;
उस्कैपछी भजन-मण्डली छ ।
(१)
जसकातस उस्का जरा छन;
पहिलेझै यहाँ खलबली छ ।
(२)
कुरा जे समानताका गरौ;
आज'नि उ महाबली छ ।
(३)
बिर्सनै कहाँ सकेको छु र ?
हिजोकै दृश्य झल्झली छ।
(४)
खासमा जिर्ण हुदै छ देश ;
नारामा मात्र मखमली छ ।
यज्ञ प्रसाद गिरी
आनन्दबस्ती, ललितपुर
२०७१ साल, आश्विन १० गते
Monday, September 15, 2014
गजल
मिठा त लाग्छन शाहजहाँ र मुमताजका कुरा ;
जिवन खोज्छ तर श्रम र कामकाजका कुरा ।
(१)
कसैगरे'नि चित्त बुझाउन, नसक्ने भएको छु ;
कसरि अपनाउनु र खै ति रिति-रिवाजका कुरा ।
(२)
नेताको भाषण पछी सोच्न बाध्य भएको छु ;
उही चलन-चल्तिका शिकार र वाजका कुरा ।
(३)
घात-प्रतिघातको खडेरीले सुकि सकेको छ मुटु;
बेअर्थ बाहिरी शारिरिक सज्जा र साजका कुरा ।
(४)
कोहि बचेको छैन प्रेमको रोगको प्रकोपबाट ;
सबैलाई उस्तै के डाक्टर के कविराजका कुरा ।
यज्ञ प्रसाद गिरी
आनन्दबस्ती, ललितपुर
२०७१ साल भाद्र, २६ गते
Monday, August 25, 2014
गजल
बिलाशी भै बाँचुँ भन्ने, मनमा रहर जाग्यो कि त ?
बजारमा भाऊ मेरो , घट्दै गा'को लाग्यो कि त ?
(१)
किन होला आजभोलि, उनको चासो देखिदैन ;
पराईले मैले जस्तै, उनको साथ माग्यो कित ?
(२)
भन्न के नै सकिन्छ र, मनै न हो मानिसको;
दोबाटोमा मोडिएर , अर्कै दिशा लाग्यो कि त ?
(३)
बाचा गर्दै सधै कसम, खाने मेरो मायालुले;
एकाएक सबै बिर्सि, सबै सिमा नाघ्यो कित ?
(४)
धेरै चोट धेरै पिडा, सहेको छु जिन्दगीमा ;
नसोचेको ह्रदयमा, अर्को चोट लाग्यो कि त ?
यज्ञ प्रसाद गिरी
आनन्दबस्ती, ललितपुर
२०७१ साल साउन २७ गते
Saturday, August 23, 2014
गजल
उन्लाई भेटेको दिन महान हुन्थ्यो ;
रातभर सपना देखेर , बिहान हुन्थ्यो ।
(१)
आतुर हुने मन, मिलनको पर्खाईमा ;
घडीको सुईनै, अडेको भान हुन्थ्यो ।
(२)
हेर्दैमा बेलगाम , धड्किन्थो यो दिल ;
दैलोमा स्वस्तिकको, निशान हुन्थ्यो ।
(३)
मन कतै, किताब आँखा अगाडी हुने;
ह्रदयमा मात्र तिम्रो, बखान हुन्थ्यो ।
(४)
गल्ति गरेझैं लाग्थ्यो, मनमा कहिले ;
गल्ति फेरी-फेरी र जानाजान हुन्थ्यो ।
(५)
भोगेको छु एक टुक्रा स्वर्ग मैले पनि ;
अन्यथा यो जिन्दगी चिहान हुन्थ्यो ।
यज्ञ प्रसाद गिरी
आनन्दबस्ती, ललितपुर
२०७१ साल श्रावण, २८ गते
Tuesday, August 19, 2014
गजल
बिगतको जिन्दगी , क्या कमाल हुन्थ्यो ;
कुरकुरे थियो बैस , क्या बबाल हुन्थ्यो ।
(१)
उन्को खोजीमा , हरदम तल्लिन यी नजर ;
उनी हुन्थिन् , उन्को घरको झ्याल हुन्थ्यो।
(२)
चलन थिएन, बहुमुल्य उपहार साट्ने ;
खल्तिमा उनैले दे'को, रुमाल हुन्थ्यो।
(३)
सुर्योदयसंगै जन्मन्थे, कैयन सपनाहरु ;
जिन्दगीको त्यो नै स्वर्णिम काल हुन्थ्यो ।
(४)
विकार थिएन, जिन्दगीको कुनै पाटोमा ;
मन् तराई र सोच सेतो हिमाल हुन्थ्यो ।
यज्ञ प्रसाद गिरी
आनन्दबस्ती, ललितपुर
२०७१ साल भाद्र, ४ गते
<गजल
धेरै थरीका मानिससंग, ब्यवहार हुन्छ ;
जिन्दगीमा कहिले जीत, कहिले हार हुन्छ ।
(१)
संधर्षको दौरानमा , भेटिएकी थियौ तिमी ;
अब त तिम्रो सामिप्यमा, मेरो संसार हुन्छ।
(२)
जिउनुको दिशा अब, स्वतन्त्र रहेन मेरो ;
जता बहाव तिम्रो, मेरो मुलधार हुन्छ ।
(३)
अच्चम लाग्दो छ , ईश्वरको यो सृष्टी पनि ;
जे म सोच्दछु त्यस्तै, तिम्रो बिचार हुन्छ ।
(४)
तिम्रै साथले , यो गिन्दगी सहज भएको छ ;
तिमी बिनाको गिन्दगी, अनकन्टार हुन्छ ।
यज्ञ प्रसाद गिरी
आनन्दबस्ती, ललितपुर
२०७१ साल भाद्र, ३ गते
गजल
समयको चक्र न हो , सब् कुरा बदलिदो रै'छ ;
माया पनि पुरानो भै, बिस्तारै खुईलिदो रै'छ।
(१)
जाँची हेर्दा एउटै कुरा, फरक- फरक स्थितिमा ;
हिजो सही भा'को पनि, गल्तिझै माँनिदो रै'छ ।
(२)
मुटु आफ्नै आँखा चिम्ली, कसैलाई सुम्पी दिदा ;
पटक-पटक सानो-सानो, उपेक्षाले छुँदो रै'छ ।
(३)
हिजोसम्म मुल्यवान, ठानिएका बस्तु पनि ;
मुल्यहिन बनाईदा , ढुग्ङाझै मिल्किदो रै'छ ।
(४)
समयको बेगलाई , कस्ले छेक्न सक्या छ र ?
हुने त हुने नै भैगो, नहुने'नि हुँदो रै'छ ।
यज्ञ प्रसाद गिरी
आनन्दबस्ती, ललितपुर
२०७१ साल भाद्र, २ गते
गजल
था'छैन उसले मलाई वा आफैलाई मुर्ख बनायो ;
भुमिका बाँध्दै कसैले मेरो गजल मैलाई सुनायो।
(१)
गजलकारले गजलमा पोखेको, भावको हवाला दिदै;
मेरो भावनाको कागजमा निर्धक्क सलाई सल्कायो ।
(२)
उ बिक्षिप्त प्रेमी हुनु पर्छ, यो लेखाईको आधारमा ;
भन्दै मेरो खिल्ली सेरहरु दोहर्याउदै पढ्दै उडायो ।
(३)
भन्यो बेदनाको निरर्थक थुप्रो, मात्र हो यो गजल ;
नकारात्मकताको कलंक पक्ति-पक्तिमा लगाई देखायो।
(४)
तिमी थियो मेरो गजलमा, स्वाभाविक थियो मन दुख्नु;
धोबी धुलाई दिदै , शब्दहरु फर'काई-फर'काई ठटायो ।
यज्ञ प्रसाद गिरी
आनन्दबस्ती, ललितपुर
२०७१ साल भाद्र, २ गते
Monday, August 18, 2014
गजल
हरेक स्थितिमा मैले, हाम्रो प्रेमलाई अब्बल पाएको छु ;
तिमीसंग नजिकिदा मैले, आफुलाई सबल बनाएको छु ।
(१)
खेर फालेको छैन, तिमीसंग बितेका कुनै पलहरुलाई ;
उपेक्षालाई पनि पालिश लगाएर, गजल बनाएको छु ।
(२)
हाम्रो उन्मुक्त हाँसोहरुमा, सुन्दर फूलहरु फुल्ने गर्थै ;
आँसुहरु पनि संगाली, जिवनोपयोगी जल बनाएको छु ।
(३)
भविष्यको संभावित क्रमभंगलाई बिचार गरी सचेत हुदै ;
अटुट नाता कायम राख्न, सम्झना अविरल बनाएको छु ।
(४)
खोल्नु होला म मरेपछी, यो कागजको बन्दी खाम मोटो;
अमर प्रेमको निशानी, ताजमहलको प्रोपोजल बनाएको छु ।
यज्ञ प्रसाद गिरी
आनन्दबस्ती, ललितपुर
२०७१ साल भाद्र, २ गते
गजल
उ पोहर पनि आएको थियो, अहिले पनि आउने छ ;
कुन महिना,कुन गते र बार गनि-गनि आउने छ .।
(१)
तिमीमा शोषण योग्य के छ, राम्रोसंग बुझेको छ उस्ले;
कहिले दाई ,भाई, बहिनी र प्रेयसी, भनि-भनि आउने छ ।
(२)
तिम्रो टाउकोमा टेकि, ठुलो हुने कलामा पारंगत छ उ ;
कहिले मन्त्री , हाकिम र समाजसेवी बनी आउने छ ।
(३)
उस्ले तिम्रो भावनासंग, आश्वासनको खेल खेल्ने छ;
कहिले सहयोगी, सहजकर्ता र बनि गुनी आउने छ ।
(४)
तत्काल जति नै कोमल, नरम र मिजासिलो लागे पनि;
उस्ले भने जस्तो नभए आगोझै , बल्दै दनदनी आउने छ ।
यज्ञ प्रसाद गिरी
आनन्दबस्ती, ललितपुर
२०७१ साल भाद्र, २ गते
गजल
समयको चक्र न हो , सब् कुरा बदलिदो रै'छ ;
माया पनि पुरानो भै, बिस्तारै खुईलिदो रै'छ।
(१)
जाँची हेर्दा एउटै कुरा, फरक- फरक स्थितिमा ;
हिजो सही भा'को पनि, गल्तिझै माँनिदो रै'छ ।
(२)
मुटु आफ्नै आँखा चिम्ली, कसैलाई सुम्पी दिदा ;
पटक-पटक सानो-सानो, उपेक्षाले छुँदो रै'छ ।
(३)
हिजोसम्म मुल्यवान, ठानिएका बस्तु पनि ;
मुल्यहिन बनाईदा , ढुग्ङाझै मिल्किदो रै'छ ।
(४)
समयको बेगलाई , कस्ले छेक्न सक्या छ र ?
हुने त हुने नै भैगो, नहुने'नि हुँदो रै'छ ।
यज्ञ प्रसाद गिरी
आनन्दबस्ती, ललितपुर
२०७१ साल भाद्र, २ गते
Sunday, August 17, 2014
गजल
पहिरोले पुरिएको छ बस्ती, सरकार मौन छ ;
शहरमा डनहरुको गस्ती, सरकार मौन छ ।
(१)
अपराधीहरुको मृत्युले चिरिन्छ, सभासदहरुको छाती;
अनौठो छ नेताको आपसी कुश्ती, सरकार मौन छ ।
(२)
रोग शोक र भोकले मरणासन्न छन् बासिन्दाहरु ;
कसले बुझ्ने पिडितहरुको सास्ती, सरकार मौन छ ।
(३)
माग्दै छन जवाफ जनताहरु, शासन चलाउनेहरुसंग ;
किन भईन युवती, बहिनी जस्ति, सरकार मौन छ ।
(४)
राजनितिको खोलमा छन, सबै ब्वाँसा र स्यालहरु यहाँ;
छुट्याउनै मुस्किल, को कस्तो को कस्ति, सरकार मौन छ ।
यज्ञ प्रसाद गिरी
आनन्दबस्ती, ललितपुर
२०७१ साल साउन २८ गते
गजल
यो मन कहिले डोटी, कहिले ईलाम भा'को छ ;
हुनै सकेन बसमा, झन-झन, बेलगाम भा'को छ ,
(१)
थाहै भएन सुटुक्क दृष्टिबाट, पसेर ह्रदयमा बस्यौ;
तिम्रै कारण यो ह्रदयको बाटोनै, जाम भा'को छ ।
(२)
अनौठो लक्षण हुदोरै'छ, यो चाहनाको रोगको हजुर ;
भै रहेछ चन्चल मन, के गरुँ, कता जाम भा;को छ ।
(३)
सुन्न त सुनिएकै हो टुना-मुनाहरुको बारेमा सधै;
अब त अन्धबिश्वास;नि, पत्यामपत्याम भा'को छ ।
(४)
कति छ तिम्रो मुल्य मेरोलागी, तिमीलाई के थाहा ;
आफ्नो त के कुरा, कदम्-कदम् मा लिलाम भा'को छ ।
यज्ञ प्रसाद गिरी
आनन्दबस्ती, ललितपुर
२०७१ साल साउन २८ गते
गजल
उता गाँउमा, यता मनमा, पहिरो गयो;
आउदै आएन, सधै गयो, र गहिरो गयो ।
(१)
के के न होला , सोचेथें, तिम्रो शासनमा;
क्रम यथावत भो, कानो आयो बहिरो गयो ।
(२)
किन यसरी बिग्रदै गा'का, नेता भनाउँदाहरु ;
सधै भष्ट्राचारकै बाटोमा, यिन्को ओईरो गयो ।
(३)
राहतको लागी हेलिकेप्टर नाँचेको देखे सबैले;
सोझै पिडितको मुटुमा, उपेक्षाको सुइरो गयो ।
(४)
के भएको छ यो देशमा, सबै पत्थर दिलका भए ;
उपेक्षाले क्षत-बिक्षत भो ,मानवता टुहुरो भयो।
यज्ञ प्रसाद गिरी
आनन्दबस्ती, ललितपुर
२०७१ साल साउन २७ गते
गजल
कस्तो हुदै छ देशको निकास, जवाफ ठेकेदारको सुनौ;
के भयो पर्दा पछाडी खास, जवाफ ठेकेदारको सुनौ ।
(१)
नदीमा ढलझै मिसनमा कमिसन मिसियो कि कसो ?
किन उत्तानो भो देशको बिकाश जवाफ ठेकेदारको सुनौ।
(२)
कस्तो चल्दै छ आजभोली ,भाषणको ब्यवसाय तिम्रो;
किन छन जनता सधै उदाश ,जवाफ ठेकेदारको सुनौ ।
(३)
कुण्डले-मण्डले, क्रेता-बिक्रेता सबै नेता बनेका छन ;
सबै क्षेत्रमा किन छाएकोछ त्रास ,जवाफ ठेकेदारको सुनौ।
(४)
जनताको नजरमा नेताको हैसियत प्रष्टिदो छ हजुर ;
ओरालो लाग्दैछ जन बिश्वास, जवाफ ठेकेदरको सुनौ ।
यज्ञ प्रसाद गिरी
आनन्दबस्ती, ललितपुर
२०७१ साल साउन २८ गते
Sunday, March 16, 2014
गजल
मझै घायल हुनेछौ, मायामा डुबेपछी ;
प्रेमी रोयल हुनेछौ, मायामा डुबेपछी ।
(१)
झुम्नेछौ नशामा, चौबिसै घण्टा प्रेमको;
मझै कायल हुनेछौ, मायामा डुबेपछी ।
(२)
अर्थहिन लाग्ने छ, बसाई राजधानीको ;
स्वत: दिपायल् हुनछौ, मायामा डुबेपछी ।
(३)
छिनो-फानो हुनेछैन, मुद्दा प्रेमको तिम्रो ;
बन्द फायल हुनेछौ , मायामा डुबेपछी ।
(४)
तस्बिर उस्को छापिनेछ, मुटु ढाकेर तिम्रो ;
रंगिन टायल हुनेछौ , मायामा डुबेपछी ।
रचना:
यज्ञ प्रसाद गिरी
आनन्दबस्ती, ललितपुर
चैत्र २, २०७० साल
Saturday, March 15, 2014
गजल
यस्तो लाग्छ जग राम्रो, बसेकै छ उठानमा ;
स्वस्थ बीउ बिकाशको, खसेकै छ भुटानमा ।
(१)
स्वच्छ पानी परिपुर्ण, खोला र झरनाहरु ;
प्रकृतिको सामिप्यता, देखिदै छ भुटानमा ।
(२)
राष्ट्रियता ह्रदयमा, राखिने भएता पनि ;
नियम बन्दै सबैतिर, छाएकै छ भुटानमा।
(३)
जीव हत्या गरिदैन, बौद्धमार्गी भएकाले ;
मांसाहारी भोजनादी, चलेकै छ भुटानमा।
(४)
सुर्ति सेवन निषेध छ,चलन्-चल्ति अलि अर्कै;
दुमो, दारु, धुम्रपान, बढेकै छ भुटानमा ।
( भुटानमा काँचो सुपारीयुक्त पानलाई दुमो भनिन्छ ।)
रचना:
यज्ञ प्रसाद गिरी
गजल
त्यति सस्तो किन ठान्यौ, तिम्ले पा’को मेरो माया;
बिना स्वार्थ दिलै देखी , उर्लि आ’को मेरो माया ।
(१)
यति छिटै बिर्सी दियौ, मानकहरु जिन्दगीका ;
प्रकृतिलाई साक्षी राखी, हिजै ला’को मेरो माया ।
(२)
सुनै खानु, सुनै पिउनु, सुनै ओढि निदाउनु ;
कहिले पनि नसम्झनु,बिर्सी गा’को मेरो माया।
(३)
लाग्यो होला तिमीलाई, माया एउटा खेल जस्तो;
मलाई भने दुखाई भो, घाउ भा’को मेरो माया ।
(४)
गल्ती ठुलो मेरै थियो , तिम्लाई मुटु सुम्पी दिएँ;
न निल्नु न ओकल्नु भो, तातै खा’को मेरो माया ।
रचना:
यज्ञ प्रसाद गिरी
आनन्दबस्ती, ललितपुर
चैत्र १, २०२७ साल
गजल
समाजको हरेक तप्का, आ-आफ्नै तालमा छ ;
कही कतै नभएको, गाईजात्रा नेपालमा छ ।
(१)
नारा मात्र छन् पार्टीसंग, योजना छैनन्;
यो मेरो राष्ट्र चलेकै, ख्याल-ख्यालमा छ ।
(२)
मुखले आदर्श बोलेर, थाक्दैनौ हामीहरु ;
भित्री मन भने, स्वार्थको आहालमा छ।
(३)
पोहरसाल पनि रह्यो,मन्सुन् र भन्सुन् खास्;
अझै त्यसैको पुनरावृति, आउने सालमा छ ।
(४)
किन अपराधीहरु बढी रहेछन, दिन-प्रतिदिन ?
रहस्यमय गाँठी कुरो , राजनैतिक ढालमा छ ।
रचना:
यज्ञ प्रसाद गिरी
आनन्दबस्ती, ललितपुर
चैत्र १ गते, २०७० साल
Thursday, March 13, 2014
गजल
बैठक, छलफल र निर्णय पनि हुन्छ ;
सधै राखिने यस्को,बिषय पनि हुन्छ ‘
(१)
के हुन्छ निर्णयको,असर बेपत्ता सधै;
बिषयको तर उदय र विलय पनि हुन्छ ।
(२)
कस्का र केका लागि बस्छन बैठक खै?
तथापि यस्को शुर र लय पनि हुन्छ ।
(३)
न बन्यो संविधान, न काम कुनै समयमा ;
बैठकको उपलब्धी भने, सयमा सय हुन्छ ।
(४)
हरेक समस्यालाई ठोकौ, बैठककै बन्दुकले;
अनि प्रतिष्ठाको एउटै बिषय, हिमालय हुन्छ।
रचना : यज्ञ प्रसाद गिरी
आनन्दबस्ती, ललितपुर
फागुन २९, २०७० साल
गजल
नजरलाई नजरबाटै, तिखो वार भएपछी;
अत्याचार हुँदा हुँदै, अतिसार भएपछी ।
(१)
न छ दिनमा चैन, न निद्रा छ रातमा ;
प्रेमको छुराले दिल, वारपार भएपछी ।
(२)
मझधारमा होमिएर , बेठेगान भए मत ;
तिम्रो चाहना मात्रै, सिग्ङो संसार भएपछी ।
(३)
पुतली बत्तीमा पर्छन्, अन्धो प्रेममा भन्थे;
धेरै ढिलो थाहा पाएँ, जली अंगार भएपछी ।
(४)
न त कूनै गुनासो छ, न केही गर्न सक्छु म;
आफ्नै मुटु विवशतामा, तार-तार भएपछी ।
रचनाः
यज्ञ प्रसाद गिरी
आनन्दबस्ती, ललितपुर
फागुन २९, २०७० साल
Wednesday, March 12, 2014
गजल
दुर्भाग्यको झरी बर्षि, कुट्नु सम्म कुटे पछी;
हराउँदै छु आफैभित्र, तिम्रो साथ छुटेपछी।
(१)
सपनाहरु सजाएथें,हिजो जस्को भरोसामा;
दुनियाको चिनारी भो , उसैले नै लुटेपछी ।
(२)
असारको ताल जस्तै, जिन्दगी टिल्पिल भयो;
अवस्था र ब्यवस्थाको, तालमेल छुटेपछी ।
(३)
ठिकै भन्यौ जिन्दगीमा, आशावादी हुने कुरा;
बाँच्नु गाह्रो हिदो रै’छ, बिश्वासनै टुटे पछी ।
(४)
कसरी देखिने होला, तिम्रो प्रतिबिम्ब अब ;
ऐना मेरो ह्रदयको, टुक्रिएर फुटेपछी।
रचना : यज्ञ प्रसाद गिरी
आनन्दबस्ती, ललितपुर
फागुन २८, २०७० साल
Tuesday, March 11, 2014
गजल
तिम्रो माया ह्रदयमा, नमेटिने छाप भयो ;
अतितको याद पनि, पोली राख्ने राप भयो।
(१)
कसैलाई माया बन्यो, रमाईलो खेल जस्तो ;
कसैलाई जिन्दगीमा, त्यही अभिशाप भयो ;
(२)
यौवन साट्ने चलन चल्यो, खुलेआम पैसासंग;
त्यही यौवन कसैलाई, जिन्दगीको श्राप भयो ।
(३)
कसैलाई बाचाहरु, हल्का गफ गरे जस्तो ;
कसैलाई तपस्विझै, निरन्तरको जाप भयो ;
(४)
पोको खोल्नु बेअर्थ छ, तिम्रो सामु गुनासोको;
त्यही गर जे-जे गर्दा, तिम्लाई फलिफाप भयो ।
रचना : यज्ञ प्रसाद गिरी
आनन्दबस्ती, ललितपुर
माघ २३, २०७० साल
गजल
पानीबाट बाहिरतिर, पारिएको माछा भएँ ;
फगत स्वादकै लागी, तारिएको माछा भएँ ।
(१)
नुन मसला पनि , मलियो मेरो शरिरमा ;
अरुकै सेवामा अघि, सारिएको माछा भएँ ।
(२)
निचोरिएको पनि छु, अर्कैको खुसीको लागी;
तातो पानीमा झोल, झारिएको माछा भएँ।
(३)
सपनाहरु तातो तवामा, दिनहुँ डाँमिदै छन्;
माछाबाट रोष्टमा , झारिएको माछा भएँ ।
(४)
गुन्द्रुक भटमाससंग पनि, साँधिएर हजुर;
रक्सीसंग जोडी बाँधी, नारिएको माछा भएँ ।
रचना : यज्ञ प्रसाद गिरी
आनन्दबस्ती, ललितपुर
माघ २३, २०७० साल
गजल
एउटा प्रसिद्ध मन्दिर छ , मेरै घर अगाडी ;
सधै आरोपित तक्दिर छ, मेरै घर अगाडी ।
(१)
चली रहेछ पुजा-आजा, र सत्संग निरन्तर;
भित्री आरोप गम्भिर छ, मरै घर अगाडी ।
(२)
सुन्छु परमात्मा,स्वर्ग र मोक्षका कुरा सधै ;
दुखी मानवता अधिर छ, मेरै घर अगाडी ।
(३)
न्याय र सुरक्षा, फगत भाषणका बिषय बनें ;
लाश जस्तो उस्को शरिर छ, मेरै घर अगाडी ।
(४)
चौतर्फी ब्याप्त छ,बेथिति,भष्ट्राचार र डकैति;
नेताको तर ठाडो शिर छ , मेरै घर अगाडी ।
रचना : यज्ञ प्रसाद गिरी
आनन्दबस्ती, ललितपुर
फागुन २४, २०७० साल
गजल
लाग्छ किन उजाडिन्छ, आज यो बहार किन ?
अनायासै आजभोली, रुखो ब्यवहार किन ?
(१)
मेरो मन्मा तिम्रो लागि ,शुभेच्छाको हिमाल छ;
मैमाथी नै तिमीबाटै, वार माथि वार किन ?
(२)
बिर्सिएर यति छिटै , तिम्ले सबै बाचाहरु ;
लगाउन तम्सिएको,आज काँडे तार किन ?
(३)
मेरो साथ तिमीलाई , सुहाएन भने भन ;
बिनाअर्थ आरोपको, यस्तो अतिसार किन ?
(४)
कसैलाई दुनियाँमा , द्रब्य ठुलै भए पनि ;
अरु बाटो चुने हुन्छ, मायाको ब्यापार किन ?
रचना : यज्ञ प्रसाद गिरी
आनन्दबस्ती, ललितपुर
माघ २३, २०७० साल
Wednesday, February 12, 2014
गजल
तिम्रो रुप तिम्रो यौवन, क्या बबाल छ ;
त्यस्मा चपलता झन, क्या बबाल छ ।
(१)
तिम्ले हास्दा सयौ फूल, ढकमक फुल्छन,
चुम्बकिय छ चितवन, क्या बबाल छ ।
(२)
नलोभिने को होला र? हाउ-भाउ हेर्दा ;
मधुर घुनको गुन्जन, क्या बबाल छ ।
(३)
मादक चाल हेर्दा लाग्ने, हंसिनीको जस्तो ;
आनायास बढ्छ धडकन, क्या बबाल छ ।
(४)
आँखाबाट ह्रदयमा, सुस्त छिर्ने बानी ;
मृगका जस्ता नयन, क्या बबाल छ ।
रचना : यज्ञ प्रसाद गिरि
आनन्दबस्ती, ललितपुर
माघ २३, २०७० साल
Saturday, February 1, 2014
गजल
उर्लिएको जवानीको पानी स्वच्छ खोलीमा’
आँखामा छ नशा गाढा, बड्दो जादु बोलीमा।
(१)
कम्मरको मर्काई र, चपलता छ चालमा ;
लाग्छ अब केही हुन्छ छिट्टै आजभोलीमा।
(२)
छरिदै छ मादक महक, फक्रिएको फूलझै ;
सृष्टीको वरदान आज पर्छ कस्को झोलीमा ।
(३)
चन्द्र जस्तो मुहारमा, गुलाबीपन मिसिएझै ;
केही कुरा लुके जस्तो, अर्थपुर्ण परेलीमा ।
(४)
आकर्षण र समर्पणका अनेक कुरा खेलाउदै ;
चड्न आतुर देखिएकी,सपनीको खटौलीमा ।
रचना : यज्ञ प्रसाद गिरि
आनन्दबस्ती, ललितपुर
माघ १८, २०७० साल
गजल
मलाई तिम्रो सामिप्यता सबै भन्दा माथी भा’छ;
अतितको याद पनि जिन्दगीको साथी भा’छ ।
(१)
तिम्रो भन्दा बढी माया गर्छु भनि म भन्दिन ;
मेरो माया मानो भए, तिम्रो माया पाथी भा’छ ।
(२)
तिम्रो प्रेम तिम्रो निष्ठा पुजातुल्य बनेको छ ;
समयको कसौटीमा सधै माथि-माथि गा’छ।
(३)
जिन्दगानी संधर्ष हो, स्विकारेर बाच्नु पर्छ ;
कैले खुला दिन जस्तो कैले कालो रात भा’छ ।
(४)
यस्तो लाग्छ तिम्रो सृष्टी मेरै लागी गरिएको;
तिमी हुनु मेरोलागी, जाति भन्दा जाती भा’छ ।
रचना : यज्ञ प्रसाद गिरि
आनन्दबस्ती, ललितपुर
माघ १८, २०७० साल
गजल
चनाखो भै चिन्नु पर्छ, बनावटी कुराहरु ;
चिप्लो बोल्नेहरुलेनै, रोप्ने गर्छन छुराहरु ।
(१)
सारै असल भए जस्ता, स्वार्थपुर्ति हुँदासम्म;
नभए उनी नै झिक्ने, बाङ्गा-बाङ्गा कुराहरु ।
(२)
बुझि सक्नु कहां छ र दलालको कुटिलता;
सधै अन्यायमा पर्छन, निमुखा टुहुराहरु ।
(३)
ठान्ने गर्छन आफैलाई,ठुलो मान्छे यो देशका;
यथार्तमा यिनै भा’छन, देशका भतुवाहरु ।
(४)
तह लगाउनै पर्छ, देशद्रोही छानी-छानी ;
कम्मर कसी लाग्नु पर्छ, समाजका शुराहरु ।
रचना : यज्ञ प्रसाद गिरि
आनन्दबस्ती, ललितपुर
माघ १८, २०७० साल
गजल
जस्तो आफु हुर्किएको, गाँउ प्यारो लाग्छ ;
आफ्नै हुदाँ त्यस्तै तिम्रो, नाँउ प्यारो लाग्छ ।
(१)
पुरानो छ बर्षौ-बर्ष, हाम्रो चिनाजानी ;
हामी बिच मित्रताको, साँउ प्यारो लाग्छ ।
(२)
हरेक पल हरेक क्षण, हरेक परिस्थिति ;
तिमिसंग बिताएको ठाँउ प्यारो लाग्छ ।
(३)
तिमी मात्रै ब्याप्त लाग्ने, मनभित्र मेरो;
तिम्रोलागी बल्झिएको, घाउ प्यारो लाग्छ ।
(४)
खोतलेर मन मेरो, बुझी जिस्किएर ;
जानी-जानी बढाएको, भाउ प्यारो लाग्छ।
रचना : यज्ञ प्रसाद गिरि
आनन्दबस्ती, ललितपुर
माघ १८, २०७० साल
Tuesday, January 28, 2014
गजल
बुझ्नै गाह्रो भयो गाँठे, फोटो किन हराउँछ ;
फोटो हराउँने ब्यक्ति, उफ्री-उफ्री कराउँछ ।
(१)
कि भएको लुकाउँछ, नभएको देखाउँछ ;
कि त आफू आफैदेखि भित्र-भित्रै डराउँछ।
(२)
सद्दे कान छँदा-छदै,कुद्नु कौवा पछि किन;
मान्छे किन गुदी भन्दा, बोक्रा मन पराउँछ?
(३)
बुझ्नु पर्ने आफैलाई, तथा आफ्नै परिस्थिति;
आँङ आफ्नै कन्याएर, धुलो किन उडाँउछ ?
(४)
हेपी आफ्नै संस्कृति, भुली मुल्य र मान्यता;
हामीलाई यो सोचले ,कुन स्वर्गमा पुर्याउँछ ?
रचना : यज्ञ प्रसाद गिरि
आनन्दबस्ती, ललितपुर
माघ १५, २०७० साल
Sunday, January 26, 2014
गजल
यो मन पनि अनौठो छ, भित्र-भित्रै रुदो रै’छ ;
सम्झनामा बाँच्नु पनि, एउटा नशा हुदो रै’छ ।
(१)
आफ्ना भन्नेहरुलेनै, पराईझै गरी बोल्दा ;
बचनले’नि वाण बनि, मुटु भित्र छुदो रै’छ ।
(२)
कुनै बेला सामिप्यको, मृगतृष्णा बोक्नेहरु ;
टाढिएर जान लाग्दा, ह्रदय एक्लिदो रै’छ ।
(३)
बन डडेको सबै देख्छन, मन डडेको देखिदैन;
प्रेमको बिचित्र आगो, मनभित्र सल्किदो रै’छ।
(४)
किन सोध्छौ नबुझेझै,मेरो मनको हाल तिमी;
मनको घाउ भित्र-भत्रै, जलेर बल्झिदो रै’छ।
रचना : यज्ञ प्रसाद गिरि
आनन्दबस्ती, ललितपुर
माघ १२, २०७०साल
Saturday, January 25, 2014
गजल
कुनै बेला तिमीबाटै सलामीमा पनि परें;
आज फेरी तिमीबाटै लिलामीमा पनि परें।
(१)
गल्ति मेरै नजिक भएँ, चरम स्वार्थीहरुसंग ;
धोका खाएँ समयको सुनामीमा पनि परें ।
(२)
बाँचिएछ तरबारको धारमाथी हिडे सरी;
स्वाभिमान जोगाउँन हैरानीमा पनि परें।
(३)
कसैको त स्वभाव’नि छेपारोको रंग जस्तो ;
कुनै बेला निलम्बन र बहालीमा पनि परें।
(४)
चंगा जस्तै चुडिएर समयको बहावले ;
आफ्नै मुल्य मान्यताको मलामी पनि परें।
रचना : यज्ञ प्रसाद गिरि
आनन्दबस्ती, ललितपुर
माघ ११, २०७० साल
Subscribe to:
Posts (Atom)