गजल -२१ माया के हो परिभाषा, फुर्नै सक्या छैन; चित्त बुझ्ने अर्थ पनि, जुर्नै सक्या छैन । (१) मेल बिनै बाँच्ने हिजो, प्रेम गर्ने जोडी, आफ्नै बिचको दुरी पनि पुर्नै सक्या छैन । (२) युगौ-युग साथ दिन्छौ, भनी हिड्नेहरु, दोस्रो बिहे गरी हिड्छन, कुर्नै सक्या छैन । (३) लोभ हो कि लालसा या चाहना हो माया; लाशमा नी बाँच्ने माया, मर्नै सक्या छैन । (४) धोका पाई गिन्दगीमा,धुजै-धुजा हुँदा ; बिरहमा रम्ने मन, बुझ्नै सक्या छैन । (५) स्वास्नीलाई भन्ने गर्छ अस्सी बर्षे बुढो; अझैसम्म तैले मलाई, बुझ्नै सक्या छैन ।