गजल १२९
पैसालाई शिरमा राखी, मरीहत्ते गर्नु किन ?
बैंसलाई खुला छोडी ,समाजमा मर्नु किन ?
(१)
ईच्छा होला सबैलाई , सुखी जीवन बिताउने ;
आफ्नो खुसी पुरा गर्न, अरुलाई हर्नु किन ?
(२)
यौवनको एक पटक, बहार त आँउछ नै ;
यौवनले मात्तिएर , जथाभावी गर्नु किन ?
(३)
समाजमा बस्नलाई शालिनता चाहिन्छ नै;
सबैलाई लत्याएर ब्यर्थै अघि बड्नु किन ?
(४)
केही हित गर्नु पर्छ, राष्ट्रको र समाजको ;
सबै बिर्सी स्वार्थरुपी, हिलोभित्र गढ्नु किन?
यज्ञ प्रसाद गिरी
आनन्दबस्ती, ललितपुर
No comments:
Post a Comment