गजल८७ मनमा किन हो किन, तलतल छ आज ; सोचाईमा उथुल-पुथुल र, खल बल छ आज । (१) बिगत र वर्तमानका अनुभुतिहरु सम्झेर ; अच्चमको आँधी बेहरी र हलचल छ आज । (२) बनी रह्यो ह्रदयमा, शसक्त अनुभुति तिम्रो; अभावको अनुभुति र स्थिति तरल छ आज । (३) दूरी तिम्रो बिझि राख्ने, मनभित्र कता-कता ; तिम्रै मात्र सम्झना मन्मा, पलपल छ आज । (४) कता टुट्यो तार, थाहा छैन सन्तुलनको ; सामु तिमि छैनौ र मन ब्याकुल छ आज । (५) अधैर्यता , रिक्तता र उदासिनताको बिच ; स्थिरता रहेन र , मन चन्चल छ आज । रचना: यज्ञ प्रसाद गिरी आनन्दबस्ती, ललितपुर