Friday, August 23, 2013
गजल ३०
खातका खात भए, प्रतिवेदनका पानाहरु ;
तिसौ हजार भए, ठगी खाने बहानाहरु ।
(१)
बगेकै छ बाग्मतीमा , नेपालको नमुना बिकाश ;
छैनन यो देशमा सबै, अन्धा तथा कानाहरु ।
(२)
ठुला चोरहरुको स्वर पनि, सुनिदै छ ठुलो ;
ब्याप्त चारैतिर घुसखोरीका, ताना-बानाहरु ।
(३)
समात्दै बन्दुक, राता-रात बन्दै छन्, हल्दारहरु ;
अर्थहिन बन्दै छन, नियम-कानुनका पानाहरु ।
(४)
ब्यबसाय चलेकै छ डकैति र भाषणको संग-संगै ;
सबैको चाहना एउटै, के नयाँ के पुरानाहरु ।
(५)
चारैतिर छन जुका,स्याल फ्याउरा र ब्वाँसाहरु ;
सदैव दाऊमा हुन्छन, साद्न आफ्ना निशानाहरु ।
रचना ; यज्ञ प्रसाद गिरी
आनन्दबस्ती, ललितपुर
Subscribe to:
Post Comments (Atom)
No comments:
Post a Comment