गजल -१८
चाहन्छु म तिमीलाई, भन्नेले भन्दिए पो ;
नराम्रो म पनि हैन, चिन्नेले चिन्दिए पो ।
(१)
संगालेर राखेको छु, सपना त कति कति ;
पवित्र भावना मेरा, बुझ्नेले बुझ्दिए पो ।
(२)
अरुलाई असल मान्छे, ईमान्दार परिश्रमी,
उनको भो गणना बेग्लै, गन्नेले गन्दिए पो ।
(३)
मलाई त लागी राख्ने ,भेटौला कहिले कहाँ;
उनको भो निष्ठुरी बानी,नजिकै पर्दिए पो ।
(४)
म हुँदा पुर्वमा उनको काम पश्चिममा हुने ;
मेरो जस्तै उनको पनि चाहना भैदिए पो ।
(५)
किन पो उठाई राख्नु,सोची फोन पराईका;
सुताई राखिने फोन, स्विच अन गर्दिए पो
No comments:
Post a Comment