जब - जब उजाडियो , सुन्दर शहर मेरो ;
परायीको चासो बड्यो, बुझ्न खवर मेरो ।
(1)
बिर्सि छोडी गएकाले , नसम्झेकै राम्रो ;
ब्यर्थै किन कोट्याउनु ,मनको कहर मेरो ।
(2)
किन कुनै दोबाटो मा , छुटे सहयात्री ;
दोषारोपण गर्ने कुनै , छैन ठहर मेरो ।
(3)
गन्तव्य नै छैन भने , निरस हुन्छ यात्रा ;
कुहिरोको काग भयो , हरेक प्रहर मेरो ।
(4)
झलमल्ल फुल्नु तिमी , लटरम्म फल्नु ;
तिमी फुले सधैं भरी , फूल्छ रहर मेरो ।

रचना: यज्ञ प्रसाद गिरी
आनन्दबस्ती , ललितपुर
मङसिर 8 , 2076 साल

कोही बोली बोली नथाक्ने , आफ्नै पारा छ ;
कोही एउटा शब्दै न फ्याक्ने , आफनै पारा छ ।
(1)
सबैले अरुकै कुरा काटेर , दिन काटेका छन ;
नेताहरु भस्त्राचारीनै चाट्ने ,आफनै पारा छ ।
(2)
राहुको भुमिकामा छन , देशका नेताहरु ;
बिनासित्ति विनाश डाक्ने, आफ्नै पारा छ ।
(3)
चोर , बलात्करी र भस्त्राचारीहरु छानी छानी ;
रास्त्रका प्रमुख पदहरुमा राख्ने , आफ्नै पारा छ ।
(4)
जो चोर उसकै ठूलो श्वर , सुनिने गरेकोे छ ;
अपराधीहरु नै ठुल्ठुलो पद ताक्ने आफ्नै पारा छ ।

रचना : यज्ञ प्रसाद गिरी
आनन्दबस्ती , ललितपुर
मङ्सिर 2, 2076 साल

सजिलै काट्नु छ भने ,धारिलो हथियार हुनु पर्छ ;
नाटक गर्न्,नि कुशक , कलाकार हुनु पर्छ ।

(1)
रातारात पैसा कमाउन पनि कहा सजिलो छ र?
नेतासग मित्रता र , कालो ब्यापार हुनु पर्छ ।

(2)
साधा जिवन , उच्च विचारमा बाच्न पनि गाह्रो छ ;
समझदार साथी र सन्तुलित , घरबार हुनु पर्छ ।

(3)
कुनै राष्ट्र को विकास , सजिलै कहा भएको छ र ?
राष्ट्रका अगुवाहरुको त्याग र उच्च , विचार हुनु पर्छ ।

(4)
किन फुट्दै छन पार्टी र लड्दै छन नेता आपसमा ?
त्यहा निश्चितनै द्रब्य प्राप्तिकै लागी, मारामार हुनु पर्छ ।

रचना: यज्ञ प्रसाद गिरी
आनन्दबस्ती , ललितपुर
मङ्सिर 3, 2076 साल