गजल-४९
सधैंको भोलीले, पुगेन मलाई ;
र चिप्लो बोलीले ,पुगेन मलाई ।
(१)
के बाँकी रह्यो र, भिकारी बनायौ :
मायाको झोलीले , पुगेन मलाई ।
(२)
म खोज्छु प्रियसी , जलाशयझै ;
तिर-तिरे खोलीले पुगेन मलाई ।
(३)
सुगन्धित पवनको म चाह राख्छु ;
आवारा हुरीले पुगेन मलाई ।
(४)
रहोस प्रित दिलको गहिराईसम्म;
कुरो बाहिरीले पुगेन मलाई ।
(५)
नशा नै भए नी पवित्रतम् होस ;
बिषालु सुराले, पुगेन मलाई ।
रचना : यज्ञ प्रसाद गिरी
आनन्दबस्ती, ललितपुर
No comments:
Post a Comment