गजल १६४ निर्णय लिंदा यावत कुरा बिर्सनु तिमीले; बिश्वासघात, उपेक्षा तिन्को सम्झनु तिमीले । (१) मत माग्न आए भाषणे डाँका, निर्लज्ज भएर ; घृणाको पोको हातमा तिन्को राख्दिनु तिमीले । (२) दुखिका आँसु बेचेर खाने, आँसुका ब्यापारी ; फकाउन आए बंगारा झारी पठाउनु तिमीले । (३) स्वार्थको लागी चेपारो घस्दै नजिकै हुने छन; मुखैमा थुकी कुक्कुरै सरी, घपाउनु तिमीले । रचना: यज्ञ प्रसाद गिरी आनन्दबस्ती, ललितपुर साउन २८ गते, २०७० साल