गजल ६६
रद्दीमा सिधै फ्याँकी दिए हुन्छ ?
पर्दैन भत्ता रोकी दिए हुन्छ।
(१)
पाली रहेछौं यिनलाई ब्यर्थै ;
झ्यालखानमा कोची दिए हुन्छ ।
(२)
अस्तित्व यिन्को झारपातै सरी;
भट्टीमा लगी झोकी दिए हुन्छ ।
(३)
अनुपयोगी बाँदरका पुच्छर;
लठ्ठी बनाई टेकी दिए हुन्छ ।
(४)
बनायौ नेता यिनलाई ब्यर्थै ;
पाईतालामुनि टेकि दिए हुन्छ।
(५)
यिनको चरित्र भो घिनलाग्दो ;
लौ अब मुल्य तोकी दिए हुन्छ ।
रचना: यज्ञ प्रसाद गिरी
No comments:
Post a Comment