Thursday, August 22, 2013
गजल ७३
बितेका जस्ता, सुनौला दिन, फर्कन्छन् अवश्य ;
ओइलाए जस्ता कोपिलाहरु, फक्रन्छन् अवश्य ।
(१)
असह्य ताप, खडेरी ब्याप्त, चौतर्फी उजाड ;
पानीका थोपा, बनेर बर्षा, बर्षन्छन् अवश्य ।
(२)
प्रकृति हाम्रो, बिचित्र सारै, छ त्यस्तै महान ;
खुसीका झरी, जिन्दगीमा’नी, दर्कन्छन् अवश्य ।
(३)
जिउनुलाई, सार्थक जीवन, खाँचो छ धैर्यको ;
पर्खेर बसे, स्वर्णिम क्षण, आउने छन् अवश्य ।
(४)
भनिन्छ, सुन्छ दैवले पनि, आत्माको आवाज ;
पवित्र, मन्को चाहना हाम्रो, पुग्ने छ अवश्य ।
(५)
न फालौ खेर, निराश बन्दै, सुन्दर जीवन ;
आगामी दिन्मा, सुन्दर फूल, फुल्ने छन् अवश्य ।
रचना: यज्ञ प्रसाद गिरी
आनन्दबस्ती, ललितपुर
Subscribe to:
Post Comments (Atom)
No comments:
Post a Comment