गजल -४५ कोठे सल्लाहकारहरुको मान छ बेग्लै ; कोटे हवल्दारहरुको शान छ बेग्लै । (१) कुरो पुर्वको र चुरो पश्चिमको हुँदा पनि; उहाँको आफ्नै मौलिक ज्ञान छ बेग्लै । (२) सडकमै कति छन उहाँका समकक्षीहरु ; तर उहाँको निजी अभिमान छ बेग्लै । (३) कस्को सामर्थ्य छ र , सम्झाउने उहाँलाई ; कतै नमिल्ने उहाँको, बिज्ञान छ बेग्लै । (४) के पर्दैन , ज्ञानको परिधि भित्र हजुर ; उहाँको ज्ञानको जग र उठान छ बेग्लै । (५) हाक्दै छन देश , कोटाका मठाधिसहरुले; हाम्रो राष्ट्र बिकाशको, पहिचान छ बेग्लै । रचना : यज्ञ प्रसाद गिरि आनन्दबस्ती, ललितपुर