Wednesday, August 21, 2013
गजल १५५
कसैलाई सबै छोडी,त्यो फेसन प्यारो छ;
कसैलाई आफै भन्दा, यो नेसन प्यारो छ ।
(१)
के गर्नु र दुनियाको, बिनासित्ति बयान;
मन्त्रीहरुलाई मात्रै , कमिसन प्यारो छ ।
(२)
हिजो जो लिप्त हुन्थ्यो, दिनरात चाकरीमा;
उस्लाई महल आज , आलिशान प्यारो छ ।
(३)
मिलायौ कदममा कदम् ,भष्ट्रहरुसंग नै आखिर ;
हिजोसम्म भन्ने गर्थ्यौ्, ईमान प्यारो छ ।
(४)
बुझ्न के नै गाह्रो छ र , के रहेछ तिमीभित्र ;
अरु झै तिम्लाई पनि, त्यै आशन प्यारो छ ।
(५)
जे भए’नि हालसम्म , नेताकै खोलमा छौ ;
संक्रमित छौ र त होला, भाषण प्यारो छ ।
रचना : यज्ञ प्रसाद गिरि
आनन्दबस्ती, ललितपुर
जेठ २६, २०७० साल
Subscribe to:
Post Comments (Atom)
No comments:
Post a Comment