Friday, August 23, 2013
गजल -४८
न स्वार्थ छ कतै केही, न सिमाना कर्तब्यको ;
पवित्रतम् परिभाषा , तिम्रो मेरो सम्बन्धको ।
(१)
जोडिएर बनेको छ, मनको तार मनैसंग ;
अतुलनिय गहिराई, तिम्रो मेरो सम्बन्धको ।
(२)
संसारमा सबै भन्दा, प्यारो तिम्रो सामिप्यता;
अमुल्य छ मुल्य छैन , तिम्रो मेरो सम्बन्धको ।
(३)
मेरो लागी तिम्रो बोली, उर्जा जस्तै बनेको छ ;
गहिरो जग बसेको छ, तिम्रो मेरो सम्बन्धको ।
(४)
तिम्रो प्राप्ती मेरोलागी, सबै थोक संसारमा ;
अधीकतम महत्व छ ,तिम्रो मेरो सम्बन्धको ।
(५)
सात जन्म पहिलेको, सात जन्म पछी पनि ;
युगानुयुगको नाता, तिम्रो मेरो सम्बन्धको ।
रचना : यज्ञ प्रसाद गिरी
आनन्दबस्ती, ललितपुर
Subscribe to:
Post Comments (Atom)
No comments:
Post a Comment