गजल
भन्दै छ केहि न केही त सिक मलेशिया;
महाथिरले सिगारेको आधुनिक मलेशिया ।
(१)
प्राकृतिक श्रोतको दिगो उपयोगिताको मानक ;
विकाशको बाटोमा अग्रसर जैविक मलेशिया।
(२)
पर्यटन, प्रतिष्ठा र ब्यापारको कुशल संयोजन;
सुन्दर , प्रकृतिमैत्री र बौद्धिक छ मलेशिया ।
(३)
विविध धर्म र जाति एउटै थलो भएता पनि ;
राष्ट्रियताको सवालमा सधै एक छ मलेशिया ।
(४)
छन त छन दर्जनौ दल र नेताहरु हाम्रा पनि ;
काममा न्युनतम नेपाल, अत्यधिक मलेशिया ।
रचना: यज्ञ प्रसाद गिरी
क्वालालुम्पुर, मलेशिया
फागुन १७ गते, २०७३ साल
Friday, February 17, 2017
गजल
जैविक विविधता अपार छ एशियामा ;
श्रोत र साधनको भण्डार छ एशियामा ।
(१)
भाषा, धर्म, संस्कृतिको उद्गम खोज्दै जाँदा,
प्राचिनतम बलियो आधार छ एशियामा ।
(२)
किन गरिब हुदै छौ, दिनप्रतिदिन हामीहरु ?
राजनितिको धृणित ब्यापार छ एशियामा ।
(३)
माल पाएर चाल नपाउने,हुस्सु बन्नु परेको छ ;
शोषक र शोषितहरुको ससार छ एशियामा ।
(४)
कस्तुरीको खोजीमा भौतारिने मृगझै छौ हामी ;
विशाल ,कृत्रिम र अनौठो विकार छ एशियामा ।
रचना: यज्ञ प्रसाद गिरी
आनन्दबस्ती, ललितपुर
फागुन ७ गते, २०७३ साल
Subscribe to:
Posts (Atom)