Thursday, August 22, 2013
गजल ६९
केको लाज केको चिन्ता, चोखो माया गाँस्न पनि;
किन ब्यर्थै खुम्चिनु र , दिल खोलेर हाँस्न पनि ।
(१)
किन सोच्नु के भन्ने हो, अन्यायी यो दुनियाले ;
अनुमति किन खोज्नु , आफ्नो माया साँच्न पनि ।
(२)
कुरा काट्लान काट्न देउ, गर्दै गरुन चर्चाहरु ;
सिक्नु पर्छ दुष्टताको , तिखो सिंग भाँच्न पनि ।
(३)
बिना अर्थ किन बाँच्छौ , चाहनाको चिहानमा ;
आफ्नो ईच्छा दबायर , गाह्रो पर्छ बाँच्न पनि ।
(४)
मुल्य किन घटाउनु, अमुल्य यो जिन्दगीको ;
बढौ अघि जिन्दगीको, अन्धकार नाँस्न पनि ।
(५)
कस्ले रोक्छ किन रोक्नु, तिमीलाई सधै भरी;
ह्रदयले चाहे जस्तो , छातीभित्र टाँस्न पनि ।
रचना: यज्ञ प्रसाद गिरी
Subscribe to:
Post Comments (Atom)
No comments:
Post a Comment