Friday, August 9, 2013
गजल १३१
गर्ने भए आउ तिमी, स्वाभिमानको, कुरा गर ;
सम्झदै हिजोको बाचा, के थियो त्यो पुरा गर ।
(१)
मरिहत्ते गर्छौ किन, जाबो कुर्सी हत्या भउँन;
बेला भयो अब नौलो, बिहानको कुरा गर ।
(२)
सराप्ने छन हामीलाई, भोली हाम्रै सन्ततीले ;
लोभ त्यागी आजैदेखि, उत्थानको कुरा गर ।...
(३)
बिदेशिका सामु तिमी नतमस्तक किन बन्छौ ;
अगुवाझै बनी हाम्रो, सम्मानको कुरा गर ।
(४)
स्वार्थी बनी काम गर्दा, डुबी सक्यो देश हाम्रो;
स्वराष्ट्रको निर्माणको, अभियानको कुरा गर ।
(५)
दिनानुदिन गै रहेछन , युवाहरु बिदेशमा ;
नेपालमै रोजगारी, र निर्माणको कुरा गर ।
यज्ञ प्रसाद गिरी
वाराणसी, भारत
डिसेम्बर २८, २०१२
Subscribe to:
Post Comments (Atom)
No comments:
Post a Comment