गजल -६४ भाई भन्दा टाई ठुलो, मुहार भन्दा चश्मा ; न आमाको माया चिन्छौ,न बाबुको बसमा । (१) तिम्रो लेसन लरबरिन्छ फेसन वरीपरी ; कोही हिड्छौ पागल बनी,भिखारीको भेषमा। (२) बियर चुरोट ह्विस्की ब्राण्डी, कुलतहरु धेरै; भित्र्याउने बाहक बन्यौ, तिम्रो आफ्नै देशमा ; (३) बिर्सि सक्यौ भेष –भुसा ,मुल्य समाजको; आधुनिकता देख्ने गर्छौ, रंगीचंगी केशमा । (४) आफैलाई चिनाउने, नामै पनि फेर्यौा ; माईकल,थोमस बनी पछि भुल्दैछौ चरेशमा। (५) किन काट्न उद्धत भा’छौ, तिमी आफ्नै जरा ; अवन्नति बढ्दै गा’छ, तिम्रो परिवेशमा । रचना: यज्ञ प्रसाद गिरी आनन्दबस्ती, ललितपुर