Thursday, August 22, 2013
गजल -६१
नढाँटेर भन काली, किन आफ्नै मान्यौ मलाई ;
लाखौ-लाख मध्यबाट, के देखेर छान्यौ मलाई ।
(१)
म त आफ्नै संसारमा, रमाएर बाँच्ने मान्छे;
कस्तो चुम्बक लगाएर, आफुतिर तान्यौ मलाई ।
(२)
धन छैन,रुप छैन, सिप पनि कहाँ छ र ?
कस्तो खाले कसौटीमा, केही भा’को ठान्यौ मलाई ।
(३)
लामो यात्रा जिन्दगीको, पुरा गर्ने सिल्सिलामा;
यै मोडमा भेट्छु भनी, कसोगरी जान्यौ मलाई।
(४)
अत्ता-पत्ता हराँउदै , बेपत्ता म हुदै गा’छु;
बिचित्रको नशा लाग्ने, कुन तिरले हान्यौ मलाई ।
(५)
दिलैदेखि खुसी भा’छु , पर्दा तिम्रो छनोटमा ;
ह्रदयमा बसालेर,सधै आफ्नो ठान्यौ मलाई ।
रचना: यज्ञ प्रसाद गिरी
आनन्दबस्ती, ललितपुर
Subscribe to:
Post Comments (Atom)
No comments:
Post a Comment