गजल-५१ तिमीलाई भेट्नै गाह्रो ,फुर्सद भएछ महग्ङो ; अब त दर्शनार्थीको, कसरत भएछ महग्ङो । (१) चर्चा तिम्रै सुन्ने गर्छु, मिडियामा जताततै; तथाकथित किन नहोस, ईज्जत भएछ महग्ङो । (२) सोच्नु बेकार जस्तै छ, हिजो हामी थियौ कहां ? तिम्रो जिवनशैलीको, औसत भएछ महग्ङो । (३) दुख्दैन मन नचिन्दा नी , भेट हुदा कही कतै ; छुट्टा-छुट्टै बिताएको, समय भएछ महग्ङो । (४) साक्षी छन् भन्नु मात्रै हो, जुन तारा आकाशमा; फर्की हेर्दा बिगतलाई, समय भएछ महग्ङो । (५) भन्छन् जे छ तिमिसंग, त्यसैसंग रमाउनु ; पछि फर्केर हेर्दा त, बाच्नु हुने भो महग्ङो ।