गजल १६६
बाँचिदै छ जीवन, किस्ता-किस्तामा ;
सकिदै छ यौवन, किस्ता-किस्तामा ।
(१)
हिजो, आज, भोलीमा’नि फरक भो;
मायाको’नि मिसन, किस्ता-किस्तामा।
(२)
घटेर गयो फेरिदा, मापदण्ड ;
मायाको’नि वजन, किस्ता-किस्तामा ।
(३)
हरायो आपसी सौहाद्रता साथै ?
युगौदेखिको चलन्, किस्ता-किस्तामा।
(४)
शंकटमा छ प्राण, राजनितिको ;
भोगी रहेछ मरण्, किस्ता-किस्तामा ।
(५)
भष्ट्र भए, देशका अगुवाहरु ;
उघ्रदै छ आवरण्, किस्ता-किस्तामा ।
रचना: यज्ञ प्रसाद गिरी
आनन्दबस्ती, ललितपुर
भाद्र ५ गते, २०७० साल
No comments:
Post a Comment