गजल ८२
साउने झरी, अँधेरी रात छ हामी बिच ;
अनियन्त्रित, श्वाँस –प्रश्वास हामी बिच ।
(१)
एकाकार भए, दुई आत्मा दुई शरिर ;
बाँकी बचेन, कुनै दूरी हामी बिच ।
(२)
उदाग्गो छु म, मेरो मुटु तिम्रो सामु;
छैन पर्दा, कुनै गोप्यता हामी बिच ।
(३)
छ समानता, हरेक पक्षमा जीवनको ;
थियो कि युगौको नाता हामी बिच।
(४)
लाग्छ सामिप्य, सदैव छोटो किन हो;
छैन अन्त्य, कतै चाहनाको हामी बिच ।
(५)
के भँनु, कसरी आँकु महत्व तिम्रो ;
हरेक पक्षहरु छन, अमुल्य हामी बिच ।
रचना: यज्ञ प्रसाद गिरी
आनन्दबस्ती, ललितपुर
No comments:
Post a Comment