गजल११७ थाहै हुन्न आजभोली,के के कुरा बिकाउ छ; पैसा पाए ईमान र सिमाना’नी बिकाउ छ । (१) थोरै लाग्छ कसैलाई ,मन्त्री पद पाँउदा पनि , पैसा पाए मै हुँ भन्ने, महान’नी बिकाउ छ । (२) देशभक्ति, ईमान्दारी भाषणका बिषय न हुन ; बिटा ती नोटको पाए , सम्मान’नी बिकाऊ छ। (३) कम्ति छैनन अर्कोतिर , जनतामा गनिनेहरु ; लाजै छैन मुस्कान र ओछ्यान’नी बिकाउ छ। (४) लिलामीमा पानाहरु, राष्ट्रमा न्यायका पनि; आरोप,गाली-गलोज र गुणगान’नी बिकाउ छ। (५) डलर खेती बढेको छ, भेण्टा, आलु, मुलासंगै ; पैसा परे आँकडा र दान पनि बिकाउ छ। यज्ञ प्रसाद गिरी आनन्दबस्ती, ललितपुर