गजल १४३
तिम्रो मायाको प्रतिक, यो रातो गुलाब;
मेरो छाँयाको प्रतिक, यो रातो गुलाब।
(१)
चाहनाका भावनाहरु, ब्यक्त गर्ने ;
मुटुहरुको नजिक, यो रातो गुलाब ।
(२)
प्रणय या समर्पण, जे सुकै होस् ;
प्रस्तावमा सरिक, यो रातो गुलाब।
(३)
युरोप,अफ्रिका, एशिया र अमेरिकामा ;
सबैका लागी ठीक, यो रातो गुलाब ।
(४)
निरन्तर फुलोस, फलोस यो चलन्;
नबनोस कतै भिख, यो रातो गुलाब ।
(५)
जिवनमा मायाको, औचित्यको सन्देश ,
हो मानवको सिख, यो रातो गुलाब ।
रचना : यज्ञ प्रसाद गिरि
आनन्दबस्ती, ललितपुर
No comments:
Post a Comment